Rabino Ahron Blasberg, Chabad di Aruba, sa cu pa involucra miembronan di e tribu hopi biaha mester baha e bareranan pa entrada, tin biaha mas leu cu e murayanan institucional di e sinagogo. Pa acomoda esnan cu di otro manera no lo participa den e servicionan formal di Rosh Hashana na e sinagogo, e rabino ta promoviendo un ceremonia breve di Rosh Hashanah, habri pa tur hende, di trinta minuut cu ta inclui e observacionnan principal di e dia festivo.

E “Community Tashligh & Shofar Service” ta bay tuma lugar riba dialuna, dia 26 di september pa 5:30pm na e beach dilanti Marriott Hotel y Ritz Carlton (dilanti Vela Sports Center).
Tashlich ta un practica rico den simbolismo y significado mistico, cu ta wordo realisa riba e prome dia di Rosh Hashanah. Ta recita un oracion breve cerca di un cuerpo di awa, preferiblemente un cu ta contene pisca bibo; den cual nos ta expresa nos oracion speransa cu nos Señor ta manda nos indiscrecionnan den fondo di lama, y cu nos por ricibi un bon y dushi aña nobo yen di e bendicionnan abundante y manifesta di nos Señor.

E zonido di e shofar ta e mitzvah central di Rosh Hashana. Tipicamente, e ta parti di e servicionan di sinagogo di Rosh Hashanah. Sinembargo, si pa algun motibo un persona no a atende e servicionan, e zonido di e shofar por wordo completa durante e dia di Rosh Hashanah. E mitzvah di shofar tambe ta contene hopi mensahenan profundo y inspirador pa nos reflexiona riba nan.

“Segun tradicion Hudiu, e portanan di shelo ta habri riba Aña Nobo, y nos Señor ta acepta oracion di tur hende”, segun Rabino Ahron Blasberg a bisa, “esey a sirbi como nos inspiracion pa crea oportunidadnan di Rosh Hashanah pa tur hende den comunidad.”

“E Lubavitcher Rebbe, Rabino M. Schneerson, di memoria husto, a insisti pa haci Hudaismo disponible pa tur Hudiu”, Rabino Ahron Blasberg a splica. “Durante e periodo di High Holiday, accesibilidad por nifica diferente cosnan pa diferente hende. Pa algun e ta nifica servicionan mas breve, facil pa usuario, pa otronan e ta nifica un atmosfera sin husga, mientras pa otronan e ta nifica accesibilidad y pa no tin expectativa di miembresia of afiliacion. Nos meta ta pa baha e bareranan di entrada y curasha un y tur persona Hudiu pa participa activamente den e observacionnan di Rosh Hashanah.”

Rosh Hashanah ta cuminsa e aña aki cu bahada di solo riba diadomingo, dia 25 di september y ta extende te comienso di anochi di diamars, dia 27 di september.

Pa mas informacion tocante e ceremonia aki y tur e servicionan tradicional y accesible durante e High Holidays, por fabor tuma contacto cu Centro Hudiu Chabad di Aruba na 592-7613 of e-mail Rabbi@Jewisharuba.com of bishita www.Jewisharuba.com/highholidays.

Evento”
Ken: Habri pa tur hende!
Kico: Servicio di Tashliach y Shofar riba beach
Unda: Beach dilanti Marriott y Ritz Carlton (dilanti Vela Sport Center)
Fecha: 26 di september pa 5:30pm

Chabad tambe ta ofrece servicionan di Rosh Hashanah gratis
Kico: Servicionan gratis di Rosh Hashanah
Unda: Centro Hudiu Chabad di Aruba
Fecha: 25 pa 27 di september
RSVP gratis: 592-7613 of Rabbi@Jewisharuba.com

Tocante Rosh Hashanah
 Rosh Hashanah, e aña nobo Hudiu, ta marca e comienso di e Dianan di Asombro, un periodo di 10 dia di introspeccion y arepentimento cu ta culmina den e dia festivo di Yom Kippur.

Tocante e organisacion

Centro Hudiu Chabad di Aruba ta ofrece educacion Hudiu, alcance y programacion di servicionan social pa famia y individuonan di tur edad, background y afiliacion. Pa mas informacion, tuma contacto cu Centro Hudiu Chabad di Aruba na 592-7613, Rabbi@@Jewisharuaba.com of bishita www.Jewisharuba.com