Dia 20 di september ta celebra e Dia Mundial di Libertad di Expresion y di Pensamento, esaki ta pa reafirma y apoya e opinion diferente y e derecho na e libertad di expresion sin persecucion pa pensamento, opinion y/of creencia di e personanan, como base di un sociedad moderno.
Organisacion di Nacionnan Uni den su Declaracion Universal di Derechonan Humano emiti na aña 1948 a establece den su articulo 19 e derecho cu tur individuo ta posee e libertad di opinion y di expresion, loke ta inclui e no cuestionamento pa su opinion, e derecho di investiga, ricibi y publica informacion sin limite, den cualkier medio di expresion.
Igualmente, Pacto di San Jose de Costa Rica y Convencion Americano di Derechonan Humano ta papia den su articulo 13 inciso 1 cu tur persona tin derecho na e libertad di pensamento y di expresion, pero libertad di expresion como cualkier otro derecho den un estado democratico no por ta absoluto. Ta existi cierto limitacion cu ta expresa den ley y cu ta necesario pa wordo sigura, manera e respet pa e derecho of reputacion di tur persona, proteccion di seguridad nacional, orden publico, salud of moral publico.
No por restringi derecho di expresion via medionan indirecto como abuso di control oficial of particular por ehemplo, papel di corant, frecuencia di radio, di aparatonan usa pa publicacion di informacion of otro medionan cu por impedi e comunicacion y circulacion di ideanan y opinion.
Por somete Eventonan publico na ley cu e obhetivo di regula acceso di e proteccion moral di mucha- y hobennan, sin perhuicio.
Propaganda di guera ta prohibi y tur loke por tin relacion cu difamacion, odio nacional, racial, religioso of cu por incita na violencia of cualkier otro accion ilegal contra un persona of un grupo di persona.
Como un ehemplo di esaki por destaca loke a sucede na Paris na 2015 cu e revista Charlie Hebdo, unda hopi hende a defende e derecho pa libertad di expresion di e revista, cu tabata expresa sin ningun tipo di limitacion. E mesun revista a sigura cu humor y satira no tabata incita na odio. Den e caso aki 12 persona a muri den un atake terorista cu tabatin como obhetivo castiga e personanan responsabel, cu tabata haci caricatura ofendiendo e religion di Islam, loke por a conclui cu satira a incita na odio y algun biaha por tin consecuencianan devastador.
Periodistanan como un sirbido publico mester tene cuenta cu etica pa asina garantisa e desaroyo di un sociedad democratico y keda atento na cualkier menasa cu por presenta directo of indirectamente como parti di gobiernonan of di e mesun medio di comunicacion.
Den marco di un sociedad democratico y participativo, intercambio di ideanan ta debate publico y un mecanismo fundamental pa e ehercicio pleno di libertad di expresion.
