(NLTimes) – Empleadonan di banco Hulandes ABN AMRO ta menasando cu nan prome manifestacion y welga den casi 35 aña.
E 17,500 empleado di e banco cubri pa e acuerdo colectivo kier pone presion riba e dunador di empleo pa drasticamente aumenta e salario pa compensa cu e inflacion sumamente halto. Nan kier tambe bisa cu hopi aña a pasa sin cu empleadonan a ricibi tiki y te hasta ningun aumento den nan salario.
E banco su empleadonan recientemente a ricibi un oferta final unda cu a indica cu nan lo ricibi un aumento di 5 porciento duna durante 2 aña. E inflacion e aña aki so ta premira na 9.9 porciento.
E oferta di e banco ta “completamente inadecua,” FNV Finance a bisa. E union di labor a haci un encuesta cu nan miembronan pa mira con dispuesto nan ta pa tuma accion, y a demostra cu tin un sosten “enorme” pa haci esaki. Union CNV tambe anteriormente a haci un yamado na nan miembro pa vota den contra di e oferta final.
Ultimo biaha cu ABN AMRO su empleadonan a haci campaña pa un miho condicion di labor tabata den aña 1989. Desde e tempo aki, e banco y su empleadonan semper tabata por a yega na un acuerdo. Despues di mas di 3 decada, FNV a bisa cu e manifestacionnan na e banco ta cerca un biaha mas, pa motibo cu no tin sosten di ningun empleado pa cu e aumento averahe di 111 euro pa luna for di dia 1 di juli 2022 y otro 3 porciento for di 1 di juli 2023.
Director di FNV Aukje Falger a bisa cu tin gran cantidad di preocupacion entre e empleadonan di ABN AMRO. “Y esaki ta nifica cu awo nos lo mira ki accion nos por prepara.”
