(NLTimes) – Un estudio nobo di programa noticiero Pointer a mustra cu centenares si no miles di perfil di muhenan femenino riba e aplicacion Tinder ta falso. Varios di e perfilnan pa estafa aki no ta simplemente bot sino personanan real cu ta purba logra cu usuarionan di Tinder inscribi riba varios sitio web cu ta rekeri pago pa cada mensahe manda.

Pointer a traha cu studiante di ciencia di computer Belgico Frederik Mees pa actualisa e codigo di un bot cu anteriormente el a publica riba GitHu. Den pasado, e bot aki tabata por a haya mas di mil match pa dia, cu 30,000 persona y bots purbando di conecta cune. E bot refresca a analisa 33,793 perfil di hende muhenan cu ta bisa cu nan ta na Hulanda, incluyendo 185,557 potret di perfil. E bot a siña con pa detecta un perfil falso, cual hopi biaha ta inclui potretnan tuma for di Instagram, incluyendo modelonan y empleadonan sexual.

Cu e ehempel aki, e bot rapidamente a detecta 83 perfil falso cu ta purba manda usuarionan di Tinder na otro sitionan web. Investigacion publica 3 aña pasa pa Volkskrant ta sugeri cu mas o menos 13 porciento di e poblacion Hulandes, dos miyon persona, tin un cuenta riba Tinder. E avrahe aki ta sugeri cu tin por lo menos 2 mil perfil falso activo, pero e programa noticiero a bisa cu tin un calculacion conservativo.

Nan bot primeramente a identifica perfilnan falso cu a usa potretnan cu ta igual na publicacionnan riba Instagram y hopi biaha tabatin un potret di un sitio web pa estafa como e ultimo potret. Esakinan hopi biaha tabata inclui e potret “secret” of “dirty”. Otro perfilnan falso por a ta crea na manera cu e bot no por a reconoce esaki rapidamente pa causa di e manera con nan tabata programa.

Usuarionan cu bishita e sitio web ta ser hiba un pagina cu ta otorga acceso na un plataforma fraudulento pa nan inscribi. Pointer a papia cu ex operadornan di e chat ken a bisa cu nan trabao tabata pa mantene e clientenan activo, pa motibo cu nan victima tabata ser cobra pa cada mensahe cu nan manda.

Un di e empleadonan di e chat falso, Wendy, a bisa cu el a tuma e trabao pa motibo cu e tabata den un posicion financiero desespera. “Mi a conoce tanto hende homber cu a ser estafa y a papia cu hende muhe cu no ta existi. Un di nan tabata un colega directo di mi persona,” el a bisa, refiriendo na su colega di su prome trabao. El a kita for di e di dos trabao den menos di un luna.

Otro empleado yama Tim, a keda contrata via vacatura publica na Marktplaats. E entrevista riba Skype a inclui un test unda e mester a skirbi mensahenan explicito. “Mi a pensa mi lo cuminsa traha pa un linea sexual, sinembargo a resulta cu e tabata un sitio web pa conoce hende cu proposito romantico. E tabata un trabao cu ta paga bon. Mi a gana miles di euro pa luna mandando e mensahenan aki,” el a splica.

Tinder a bisa cu nan a detecta y kita e perfilnan falso aki. “Nos tin un politica di cero tolerancia ora ta trata di perfilnan falso y peticionnan cu ta den violacion di nos terminonan di uso,” un vocero a bisa na Pointer como respuesta.