(EFE) – Alto comisionado di Paz di Colombia, Danilo Rueda, a sigura cu e disidente di FARC “Ivan Marquez” ta bibo y a autorisa cu estado mayor di Segunda Marquetalia, e grupo di e cual e ta lider, ta bay acerca na politica di “paz total” di presidente Gustavo Petro.
“A tene un acercamento pero Ivan Marquez no tabata t’ey, e ta malo, segun loke a informa” Rueda a bisa den un conferencia di prensa.
E comisionado a agrega cu “nos por confirma cu Marquez ta un di e cual a manda nan mensahe y cu tin un grupo di nan cu directamente ta acerca na e dialogonan aki di exploracion”.
Segunda Marquetalia, segun e funcionario a agrega, “a manifesta su disposicion pa forma parti di e paz total” manera tambe “un structura arma conoci a haci” Autodefensa Gaitanista di Colombia (AGC) cu ta e grupo principal criminal di e pais y cu tambe ta conoci como Clan del Golfo.
Ademas e comisionado a revela cu nan tabatin reunionnan exploratorio cu e disidentenan “na algun luga di Colombia cu despues ta bay bira conoci”.
For di e yegada di Petro na Presidencia el a propone e “paz total”, un apuesta cu ambicion pa hiba na mesa di negociacion e gruponan aki na e margen di ley y cu te ainda nan ta opera den e pais.
E idea ta pa logra un acuerdo cu guerrilla di Ehercito di Liberacion Nacional (ELN) y cu tur e gruponan criminal y disidentenan manera a haci caba cu FARC, algun tipo di areglo huridico of sometiendo nan na e Husticia.
10 di juli ultimo Segunda Marquetalia a señala cu Ivan Marquez a sobrevivi na un atentado cu a tuma luga na Venezuela den cual a informa cu el a muri.
