Diabierna ultimo, Banco Central di Aruba a publica riba su website e Quarterly Economic Bulletin, cual ta e resultadonan pa e prome kwartaal di 2022. Den esaki a indica cu den prome kwartaal di 2022, e cuenta coriente di e balans di pago a converti di un deficit di Afl. 41.3 miyon den prome kwartaal di 2021, den un surplus di Afl. 208.0 miyon.

E cambio aki a resulta di un aumento di Afl. 380.8 miyon den e surplus di cuenta di servicio, cual tabata contraresta parcialmente pa un aumento di Afl. 146.6 miyon den deficit di cuenta di bienes. Ademas, e deficit den e cuenta secundario a reduci cu Afl. 15.7 miyon (Chart 1 y Table 1).

Cuentanan coriente y di capital
 E cuenta di bienes a registra un deficit di Afl. 456.7 miyon, cual ta Afl. 146.6 miyon mas compara cu e prome kwartaal di 2021. Esaki a resulta di aumentonan di Afl. 165.6 miyon den importacion y Afl. 19.2 miyon den exportacion.

E surplus den e cuenta di servicio a aumenta cu Afl. 380.8 miyon na Afl. 720.9 miyon den e prome kwartaal di 2022. E aumento aki den surplus a resulta di aumento den exportacion servicio (+Afl. 499.6 miyon) y importacion di servicio (+Afl. 118.8 miyon) (Table 1).

E aumento den exportacion di servicio a tabata atribui principalmente na un aumento den Tourism Credits

(+Afl. 470.5 miyon or 81 percent), otro servicio di transporte (+Afl. 13.4 miyon), y otro servicionan (+Afl. 12.7 miyon).

E aumento den importacion di servicio tabata principalmente pa motibo di expansion den otro servicionan (comercial) (+Afl. 50.1 miyon), debito di turismo (+Afl. 35.5 miyon), servicio di flete (+Afl. 17.7 miyon), y otro servicionan di biahe (+Afl. 11.6 miyon).

Ademas, e deficit den e cuenta di entrada a baha cu Afl. 15.1 miyon na Afl. 56.2 miyon. E deficit den entrada secundario a reduci cu Afl. 15.7 miyon na Afl. 25.8 miyon pa motibo di pagonan menor den conexion cu (re)aseguro. E deficit den entrada principal a aumenta levemente cu Afl. 0.6 miyon na Afl. 30.3 miyon.

Cuenta financiero
E cuenta financiero a resulta den prestamo neto di Afl. 201.0 miyon den e prome kwartaal di 2022, compara cu e prestamo neto di Afl. 23.3 miyon den e prome kwartaal un aña prome (Table 2). E prestamo neto a resulta di aumento neto den activonan financiero di Afl. 489.1 miyon (Q1 2021: +Afl. 92.5 miyon) y den pasivonan financiero di Afl. 288.1 miyon (Q1 2021: +Afl. 115.7 miyon).

Adkisicion neto di activonan financiero

E adkisicion neto di activonan financiero tabata causa en gran parti pa un aumento den reserva di activonan di Afl. 359.3 miyon, pa motibo di un aumento den divisa y deposito teni den exterior pa Banco Central

(+Afl. 208.6 miyon) y titulonan di debe a largo plaso (+Afl. 150.2 miyon).

Ademas, e portfolio di activonan di inversion a aumenta cu Afl. 134.9 miyon pa motibo di aumentonan neto den titulonan di renta variable (+Afl. 74.4 miyon) y titulonan di renta a corto plaso (+Afl. 76.6 miyon).

Ademas, inversion directo a aumenta cu Afl. 6.1 miyon, principalmente pa motibo di inversion den capital di renta variable den exterior (+Afl. 5.4 miyon).

Di otro banda, otro activonan di inversion y derivadonan financiero a reduci cu Afl. 5.6 miyon y Afl. 5.5 miyon respectivamente. Divisa y deposito den exterior teni pa banconan comercial y otro sectornan a reduci cu Afl. 30.7 miyon, cual tabata parcialmente mitiga pa aumentonan den otro activonan (+Afl. 18.3 miyon) y prestamonan (+Afl. 5.7 miyon).

Incurencia neto di pasivonan financiero

E aumento neto den pasivonan financiero tabata causa principalmente pa un aumento den otro pasivonan di inversion 346.7 miyon) pa motibo di un aumento den prestamonan di banconan stranhero (+Afl. 358 miyon). Ademas, divisa y depositonan teni pa no-residentenan den banconan comercial a aumenta (+Afl. 16.8 miyon), mientras otro pasivonan a reduci (-Afl. 12.7 miyon).

Den contraste, e pasivonan di portfolio di inversion relaciona na balornan a largo plaso a reduci (+Afl. 63.3 miyon) pa motibo di pagonan riba debe di gobierno. Ademas, tabatin un level aumento den pasivonan di inversion directo (+Afl. 4.7 miyon) causa pa aumentonan den inversion di real estate (_Afl. 65.2 miyon), mitiga pa reduccion den contribucion di capital di accionistanan stranhero (-Afl. 46.2 miyon) y prestamonan entre companianan (-Afl. 14.4 miyon).