Minister Plenipotenciario Suplente mr. Ady Thijsen a asisti na un recepcion na ocacion de celebracion di e bicentenario di independencia di e Republica di Brazil. Sr. Thijsen den nomber di Gobierno di Aruba a felicita embahador di Brazil pa Reino Hulandes Paulo Roberto Caminha de Castilhos França cu e aniversario aki.
Tambe e mandatario na e ocasion aki a enfatisa e bon lasonan entre Brazil y Aruba e.o. riba tereno cultural y turismo.
E recepcion a brinda minister Thijsen un bunita oportunidad pa topa y combersa cu otro embahadornan, manera embahador di Surnam Rajendre Khargi, embahador di Uruguay Alvaro Enrique González Otero y embahador di Bolivia Roberto Calzadilla Sarmiento.
E potretnan ta cortesia di Arubahuis.
