Si mester papia di divorcio complica esun di Angelina Jolie y Brad Pitt ta uno sin duda. Seis aña despues esnan cu tabata tin un matrimonio mas unico na Hollywood ainda ta bringando den e tribunalnan , y un biaha mas e tema of mas miho bisa e propiedad cu ta hiba nan hues ta e palacio cu nan tin hunto cu otro e Chateau Miraval cu e artistanan a cumpra den 2008 y cu nan a casa den 2014.
Angelina Jolie a demanda su ex pa e daño cu supuestamente a causa den e relacion na e negoshinan di produccion cu ambos a comparti na Francia, unda cu e ta acuse di libra un guera di veganza contra dje. A cambio e la pidi un compensacion di 250 miyon dollar , segun CNN, cu tabatin acceso na e documentonan cu nan a saca e siman cu a pasa.
Segun e portal “Page Six” e equipo legal di e protagonista di Malefica ta afirma cu e actor a tuma posicion di e propiedad francesa y a beneficia na momento cu e la tuma venganza door di su divorcio.
Den e documentonan ta acusa Brad Pitt di administra e bodega su so, sin consulta cu Angelina Jolie, e decisionnan cu nan mester tuma riba e propiedad mester ta 50-50 di nan, pero esaki no tabata e caso.
E documentonan aki a keda presenta despues cu Brad Pitt a denuncia prome cu verano pa daña e reputacion di su compaña “ de Vinos “ na Francia y asina bende su parti na un hende desconoci cu tin accionnan y intencionnan di mala fe, Segun Brad Pitt.
Sinembargo Jolie a dicidi di bende su participacion den e negoshi “ de Vinos “ sin cu e la comunica Pitt. Aunke Jolie no tabata obliga pa bende su parti na Pitt, ya caba e tabata negocionado cu Pitt pa bende su participacion y negoshi cu ne, durante lunanan ya caba tabata negoshando. Pero tur esaki a para debi cu na momento cu Brad Pitt a bin cu su arogancia y a pone como condicion pa prohibi Jolie papia publicamente riba e eventonan cu a hiba nan na e crisis matrimonial.
