Nos ta den e temporada di aña cu lo bay sinti mas calor cu normal cual ta e lunanan di september y october.
E combinacion di temperatura halto y porcentahenan halto di humedad ademas di un biento menos fuerte cu normal lo pone cu por sinti malestar. E temperaturanan maximo di e siguiente lunanan lo por oscila di 34°c (93 f) pa 36°c (97 f) y e porcentahe di humedad den 85 te 90% of mas lo contribui na un indice di calor (temperatura aparente) rond di 40° c (104 f) te 46° c(115 f) cada dia.
e calor y humedad halto lo no baha mucho anochi cu temperatura bahando solamente te un minimo di 28°c (82 f) te 29°c(84 f). Esaki lo aumenta e peligro pa hendenan cu no por haya un luga adecua pa refresca nan curpa.
calor excesivo ta e asesino di tempo nr. 1…hende mester ta prepara pa e peliger cu calor excesivo ta ocasiona. Mucha chikito, hende grandi i hende cu malo di curason ta esunnan mas expone.
Ta conseha pa limita actividad pafo di cas y haci esaki den oranan trempan di mainta of ora solo baha. Si bo tin un airco cu ta funciona haci uso di esaki of a lo menos habri bentana pa laga aire pasa y permanece den circulacion. Tene na cuenta tambe e mascotanan cu ta pafo di cas, sigurando cu tin awa limpi disponibel pa nan y si ta posibel laga e mascotanan keda den sombra of paden di cas.
Accion di precaucion
Un aviso pa calor excesivo ta nifica cu un periodo di temperatura halto ta ser spera. E combinacion di temperatura y e humedad halto lo combina pa crea un situacion den cual
malesa causa pa exposicion prolonga na temperatura halto lo por presenta ademas di emergencianan medico manera heat stroke. Bebe hopi likido (awa of juice sin sucu), keda den camber cu airco y keda aleha for di solo ademas di bisti paña di color cla preferiblemente blanco.
