(CiberCuba) – E awasero intenso y bientonan fuerte cu a tuma luga durante e mainta di diahuebs ultimo na Santa Clara a ocasiona desasternan cuantioso na e Parke Vidal, plaza principal di e ciudad di Villa Clara.
“Awasero intenso y biento fuerte na Parke Vidal di Santa Clara”, e radio stacion oficialista CMHW a anuncia ariba un post di Facebook, den cual el a comparti tambe imagennan di e areanan afecta laga atras pa e mal tempo, cual a concentra fundamentalmente riba e matanan cu tabata crece rond.
E caida di e matanan aki, den su mayoria grandi, tambe a ocasiona daño na e bankinan di e parke. No obstante, nan no tin noticia tocante si e esculutra- y monumentonan cu tin eynan a haya algun tipo di daño.
Den e ultimo lunanan e suceso di e fenomenonan natural aki a causa daño na diferente parti di e geografia nacional. Na final di juli ultimo, un tormenta local severo a ocasiona dañonan grandi na e structura di 30 vivienda na e localidad di La Carbonera, na Guaimaro, provincia di Camaguey.
Tambe, dia 26 di juli, un acontecimento similar a tuma luga na Viñales, Pinar del Rio, causando algun incendio den bosquenan local.
E temporada halto di tomerntanan electrico ta extende for di april te cu november, cual ta coincidi cu e periodo di yobida y temporada di horcan na Cuba. Di eynan e frecuencia di e fenomenonan climatico aki, cu tambe por ocasiona tornado.
