(NLTimes) – E cantidad di persona hoben cu Tinnitus ta aumentando rapidamente y expertonan ta preocupa cu esaki. VeiligheidNL, e centro di conocemento pa prevencion di daño ta boga pa un deteccion tempran structura pa cu daño di oido, preferiblemente den muchanan di edad den scol primario, AD a reporta.
Tinnitus ta un zonido constante den bo horea, cual por ta un variedad di zonido manera fluit, vibracion, entre otro. Mas di 2.5 miyon residente na Hulanda, incluyendo varios hoben, ta sufri di Tinnitus di un manera of otro. Den miles di persona Hulandes, Tinnitus ta asina severo cu e ta causa problemanan psicosocial. No tin cura pa esaki, y e personanan cu tin esaki mester biba cu e zonido constante.
Segun World Health Organization (WHO), mita di e hobennan di edad 12 pa 35 aña regularmente ta haya nan mes den situacion cu ta dañino pa nan odio, manera nightclub, concierto of festival por ehempel.
No tin figura exacto pa esaki na Hulanda, sinembargo GGD a conta AD cu miles di hobennan ta ser diagnostica cu problemanan severo di oido anualmente. Investigacion conduci pa Erasmus MC a mustra cu 14 porciento di e muchanan entre edad di 9 y 11 ya caba tin daño na nan oido.
“Mester pone un pargo na esaki,” audiologo Dyon Scheijen, ken ta specialisa den Tinnitus a expresa na e corant. “E generacion aki lo tin hopi problema pa compronde otro ora cu nan yega nan 40 aña di edad, y tur e consecuencianan di esaki.”
Prevencion tambe ta importante, segun Wil Verschoor, director di Hoormij/NVVS. Estudionan ta demostra cu aproximadamente mita di e personanan cu a atende e festival Lowlands y Pinkpop ta bisti proteccion pa nan horea, e corant a skirbi. “Esaki te ainda ta tiki,” Verschoor a splica. E averahe di un concierto rock ta produci mas o menos 100 decibel, cual ta mesun cos cu un jet. “Cualkier persona cu no bisti proteccion pa nan horea lo sufri daño na nan habildiad di scucha agudo.”
