(CiberCuba) – E presidente Cubano Miguel Diaz-Canel Bermudez a culpa un biaha mas e embargo di Merca di e crisis di energia cu ta afecta e ciudadanonan di e isla, cu ta sufri di blackout durante varios ora di e dia y a nenga cu e situacion ta debi na actividad enemigo.
E declaracionnan di e mandatario a tuma luga for di e central termoelectrico di Mariel, Artemisa, unda cu e la e yega como parti di un bishita gubernamental cu e cual e ta pretende di calma e animonan di e poblacion mirando e malcontento pa motibo di e blackoutnan.
“E tin di haber, y ta locual esunnan cu odia e revolucion ta purbando di logra, cu e efectonan sistematico cu durante tur e añanan aki a provoca un blokeo (embargo), cu a laga e pais sin financiamento posibel pa realisa e labor nan di mantencion, reparacion y inversion cu e sector di energia tabatin mester di dje”, el a destaca.
Asina mes, el a confesa cu actualmente e pais ta pasando den un proceso acumula di deterioracion tecnologico cu no lo por wordo resolvi den un corto periodo di tempo.
Durante su declaracionnan, e mandatario a ataca e opositornan, miembronan di e sociedad civil independiente y medionan di prensa alternativo di probecha di e situacion pa crea incertidumbre entre e ciudadanonan, acusando nan di promove hecho nan di vandalismo, terorismo y desordo social.
“Lamentablemente tin personanan cu tin un comportacion bastante indecente y ta presta nan mes pa e accionnan aki. Mi ta separa e comportacion di e duda cu e poblacion por tin den cualkier momento determina y cu ta wordo dirigi a traves di institucionnan di e revolucion”, el a indica.
