(NLTimes) – Amsterdam UMC a lansa un experimento den cual inteligencia artificial lo yuda dicidi den cuido intensivo ki ora e pashent for sali for di ICU t bay piso general. Marcando e prome di su tipo mundialmente, segun e hospital. E meta ta di usa e capacidad di ICU di e manera mas optimal posibel, specialmente mirando cu ta premira olanan di coronavirus den futuro.
Move un pashent for di ICU ta un decision complica cu enfermeronan ta enfrenta tur dia. Si nan move e pashent demasiado trempan y nan condicion deteriora na e punto cu e pashent mester cuido intensivo un biaha mas, e riesgo di morto ta mas halto. Tampoco no ta bon pa e pashent keda den ICU pa hopi tempo, Paul Elbers di Amsterdam UMC a splica.
“E ta un situacion sumamente fastioso pa e pashent, pero tambe e ta un situacion sumamente caro, y e cama no lo por ser usa pa otro pashent cu posiblemente tin mas mester di esaki,” Elbers a bisa. “Tur cos ta indeseabel cu e cantidad relativamente abao di e camanan disponibel den ICU NA Hulanda, falta di enfermero pa ICU y e falta di empleado halto desde coronavirus.
Elbers y su colega Patric Thoral a desaroya e AI cu Amsterdam su desaroyador di programacion Pacmed. E AI, yama Pacmed Critical, ta compara data di pashentnan di ICU cu data di casi 25,000 pashent cu a ricibi cuido den ICU recientemente. Basa riba esaki, e AI por determina cua ta e chensnan cu e pashent lo mester bolbe back ICU dentro di un siman si e ser transferi na piso general.
E programacion tambe ta mustra con e decision aki ta cambia cu tempo y e factornan riba cual e decision ta basa. E enfermero ta haci e decision final y pa e motibo aki ta e persona responsabel. “Nos ta mira esaki como un di dos opinion. Pa medio di investiga con e programacion ta traha y den practica, nos kier aumenta e balor pa e pashentnan y e proveedornan di cuido medico,” Thoral a splica.
E meta ta di reduci e cantidad di persona cu ta bolbe drenta ICU y evita cu pashentnan ta keda den ICU pa hopi tepo. “Nos ta calcula cu e beneficio di esaki particularmente cu e admisionnan cu no ta planea manera veneno den sanger, pneumonia y un infeccion di COVID-19,” Thoral a agrega. “Cu e tipo di admisionnan aki, e chens di bolbe back ICU generalmente ta mas grandi.”
Pacmed Critial ta e prome mundialmente. “Te cu mi ta altanto, esaki ta e unico decision medico cu e sosten di inteligencia artificial usa di e manera aki den un hospital. Mi ta bisa sosten di desicion na cama di e pashent, unda cu ta desaroya modelonan y algoritmo cu ta ser usa directamente cu data di e documento electronico di e pashent,” Thoral a clausura.
