(EFE) – Cerca di 80.000 migrante iregular cu ta biaha cu e idea di yega Merca a drenta Honduras den aña aki, e mayoria di nan ta di nacionalidad Cubano, segun cifranan di Instituto Nacional di Migracion (INM) .
Entre luna di januari y 19 di augustus a drenta na e pais centro Americano 79.667 migrante cu ta purba avansa na nort cu e obhetivo di yega Merca, segun datonan oficial.
INM a detaya cu e aña aki a drenta di manera iregular na Honduras 44.535 migrante Cubano, 19.222 Venezolano, 4.795 Ecuatoriano y 3.051 Haitiano.
Segun estadisticanan di INM cu ta coresponde pa januari y 19 di augustus di 2021, un total di 10.032 migrante iregular a drenta Honduras. Di nan, 4.294 ta di Haiti y 3.622 ta di Cuba, e nacionalidadnan mas dominante di e grupo aki.
54.8% (43.676) di e migrantenan ta hende homber, 28.5% (41.847) ta hende muhe y un 16.6% (13.263) ta mucha y hobennan, e instituto di migracion a sigura.
Di e total di migrantenan iregular e aña aki, 52.5% (41.847) tabatin entre 0 y 30 aña di edad y 47.5% (37.820) ta mayor di 30 aña.
Ademas, Instituto di Migracion a indica cu ademas e 77,3% (61.556) di e migrantenan a drenta Honduras via e municipio Danli y Trojes, departamento di El Paraiso, frontera cu Nicaragua.
El Paraiso a bira e ruta nobo di migrantenan den ultimo lunanan, principalmente pa esunnan di Cuba, Venezuela y Haiti, nan ta usel’e pa sigui nan caminda pa Merca.
Na comienso di Augustus a drenta na vigor un decreto legislativo cu ta elimina e pago di un multa administrativo, pa mas di 200 dollar, na e migrantenan den situacion di mobilidad cu ta drenta di forma iregular na Honduras.
