(NLTimes) – Long Covid ta afecta casi tur pashent di coronavirus cu mester a ser hospitalisa, segun investigacion na e region di Rijnmond. Di e pashentnan participando, 92% te ainda tin sintoma despues di hospitalisacion, NOS a reporta.
E sintomanan mas comun ta dolor, falta di rosea, fatiga severo y problemanan di memoria y concentracion. “Loke ta impactante ta cu tin practicamente nada di mehoracion den e lehonan. Esaki ta e kehonan persistente cu ta impacta di manera significante e calidad di bida y nan no ta responde bon na e tratamento,” lider di investigacion y specialista di pulmon Merel Hellemons di Erasmus MC.
Erasmus MC, Rijndam Rehabilitation y Laurens a studia 650 persona hospitalsia cu coronavirus na Rijnmond entre juli 2020 y juli 2021. Nan resultado ta revisa pa varios diferente experto y publica den dos revista, European Respiratory Journal Open Research y Lancet Regional Health Europe.
E investgiadornan a mira solamente na e pashentnan di coronavirus cu mester a bay hospital. Compara cu otro estudionan relaciona cu Long Covid, cual ta mira na tur pashent, ta mustra un diferencia cla entre pashentnan hospitalisa y e pashentnan cu a recupera na cas. Anteriormente e luna aki, investigacion na Noord-Nederland entre 13,000 persona a mustra cu 1 den cada 8 persona te ainda tabatin sintoma 5 luna despues di coronavirus. Den juni, RIVM a reporta cu mita di pashentnan di coronavirus te ainda tabatin sintoma 3 luna despues di infeccion.
