E Junior Rangernan a caba di conclui nan evento di intercambio anual. Hoben di e seis islanan a bin hunto pa siña tocante e biodiversidad unico den Caribe Hulandes y a forma e base pa futuro colaboracion entre e islanan. Desde salida di solo cu un bista di lama nan dilanti te glow in the dark hiking anochi laat, e studiantenan aki a pasa un dushi siman yena cu recuerdo cu nan lo balora henter nan bida.
Un pilar fundamental di Dutch Caribbean Nature Alliance (DCNA) ta e deseo di hisa educacion centra riba naturalesa den henter Caribe Hulandes pa e hobennan. Un di e hermentnan diponibel na e isla ta pa haci e muchanan fuerte den esaki y ki miho manera di aprovecha e energia aki a traves di e programa anual di intercambio DCNA Junior Ranger. E oportunidad unico aki ta reuni hoben di e seis islanan pa siña mas cu tur cos e biodiversidad excepcional di Caribe Hulandes y traha hunto na desaroyo di habilidad positivo, cooperativo y social.
Servicio di ecosistema y con nan ta apoya nos tur!
E tema di e aña aki pa e intercambio tabata “E servicionan di Ecosistema” y con nan ta sostene nos tur! Durante e siman, e Ranger Hobennan a siña identifica e flora y fauna di lama y di tera, mientras cu nan tabata practica snorkel, hike y core den kayak door e diferente habitatnan di St. Eustatius y St. Maarten.
E siman a cuminsa na St. Eustatius campando den e hardinnan botanico, brindando e oportunidad perfecto pa tur sumergi den naturalesa. Ningun di nan no tabata preocupa cu e comienso mainta tempran mainta, ora cu nan tabata lanta cu un impresionante salida di solo cu bista di lama. Durante dia e Junior Rangernan por a adkiri experiencia practico den monitoreo di especie invasor realisando patruyahe di yuwana cu e rangernan di STENAPA. A traves di e monitoreo, cada ranger a siña distingui entre e diferente subespecienan di yuwana y a siña pakico ta importante rastrea e tendencianan di e poblacion.
Dahlia Hassell Knijff, Oficial di Proyecto di DCNA a agrega cu “Intercambio Junior Rangers ta facilita e islanan di Caribe Hulandes ta oportunidadnan pa e hobennan explora diferente ambiente, crea amistad mas aya di e fronteranan y, loke ta mas importante, su curiosidad pa mundo natural a traves di diferente actividad. Como meta principal di DCNA ta pa apoya e parkenan local, nos ta bringa pa brinda diferente experiencia pa e hobennan den educacion tocante naturalesa pa garantisa cu e intercambionan entre e islanan por tuma luga pa e gruponan aki”.
Isla nobo, Experiencia nobo
Durante henter e siman, e Junior Rangernan por a comparti storia di nan mes islanan, sea durante un actividad of rond di un kampvuur comiendo marshmallow. Cada participante a keda asombra cu, aunke nan tur ta di isla bisiña, e ecosistema natural di cada isla tin su mes cosnan unico. Ya sea tabata siñando tocante especie nobo of simplemente intercambiando nomber local cu nan tin mescos, e studiantenan aki a laga e isla cu un amplio conocimento local y amigo nobo di cua DCNA ta spera cu lo conduci na un colaboracion di bida entre e gruponan.
E siman tabata yen di variedad di actividad marino y terestre cu a entretene e Junior Rangernan desde mainta trempan te anochi laat. Nan por a explora e diferente ecosistemanan na Sint Eustatius a traves di hopi actividad, incluyendo snorkel, mientras cu nan tabata adkiri habilidad di identifica pisca y siñando con pa identifica diferente especie di parha. Na fin di e siman aki, e rangernan tambe por a disfruta di un kayak matutino den e lagun di St. Maarten pa compronde miho e ecosistema di e mangelnan. Parti di atardi nan por a siña tocante e impactonan negativo di contaminacion di plastic cu un actividad pret den piscina.
“Pa ta anfitrion di e Intercambio di Junior Ranger di e aña aki tabata un honor pa STENAPA. Nos muchanan di Caribe Hulandes a disfruta di educacion tocante naturalesa y a comparti nan comprension nobo di ecosistema y su servicionan cu otro” Achsah Mitchell, Oficina di Educacion di STENAPA/JRE y Presidente di Grupo di Trabou di Participacion Hubenil di DCNA.
E evento aki tabata posibel danki na Prins Bernhard Cultuur Fonds, World Wildlife Fund-Dutch Caribbean y patrocinadonan na St. Maarten manera The Azure Hotel & Art Studio, Domino’s Pizza y Winair. E actividadnan di DCNA ta generosamente financia pa Loteria Nacional di Codigo Postal Hulanda. Interesa pa join Junior Rangers? Comunica cu e autoridad local di parke pa obtene mas informacion!
