“Awor ta keda na e fundacionnan pa haci e pagonan corespondiente.” Minister Maduro ta duna di conoce cu diamars ultimo, Departamento di Finanzas a haci transferencia di e 5% di recorte riba subsidio na tur fundacion subsidia.
A haci e pago hunto cu e pago regular di subsidio di cada luna. Awo ta keda na cada fundacion pa haci e pagonan corespondiente. Segun minister Maduro, cu esaki Gobierno di Aruba ta cumpli cu e decision pa ‘bouw af’ e recorte di 12,6% riba e subsidionan cu ta wordo duna na diferente fundacion. E trabaonan ta sigui y poco poco Aruba lo cuminsa lanta cabes back, segun e mandatario. Nos ta den e bon caminda y na unda cu lo cuminsa bouw af poco poco e 12.6% manera priminti.
“E finanzas di Aruba no ta facil, mirando den tur loke Aruba a pasa aden a sa di keda cabes riba awa, pero cu un poco di perseverancia y pasenshi tur cos lo por bay bek na su normalidad y Aruba por mira un progreso den e siguiente luna nan pa gobierno por sigui cumpli manera debe ser.”
