(CiberCuba) – Gerard Pique y Clara Chia a continua cu nan relacion y nan no ta sconde esaki mas y ta demostra con enemora nan ta. Si mester mira algun di e imagennan atras unda nan ta sunchi den un consierto nan ta confirma nan relacion, awo ta aparece potretnan nobo cu nan a haci oficial y ta mustra cu oficialmente nan ta bay den serio.
Tabata den luna di juni di e aña aki cu a futbolista di 35 aña y Shakira a anuncia fin di nan relacion despues di 12 aña hunto y cu nan tin dos yiu hunto. Sinembargo hopi ta ser papia caba cu nan relacion tabata kibra caba for di basta luna y e futbolista no a perde su tempo na unda cu e la cuminsa haci su bida banda di un hoben cu yama Clara Chia cu ta un studiante di relacionista publica y tin solamente 23 aña.
E hoben tin 12 aña mas hoben cu e futbolista y hunto nan a asisti na un bruid di un bon amigo di e futbolista unda cu un biaha mas a bolbe capta nan hunto unda cu nan tabata mas cariñoso hunto . E bruid a tuma luga na Costa Brava.
Riba e portada di Revisata HOLA nan a sali hunto man teni y ta yegando e bruid. Aki por mira cu e futbolista no a tene na cuenta riba e areglo cu nan a haci pa bienestar di nan yiunan pa no aparece den publico te na momento cu keda cla oficialmente cu e divorcio y tambe pa e muchanan pasa bao di un tratamento pa atende cu e separacion di nan mayornan. Sinembargo e futbolista cu su arogancia no a ni respeta e decision aki pa su yiu nan y a aparece sin ningun escrupulo den medianan social y riba portada di revista HOLA. Di e manera aki Pigue a kibra e acuerdo tambe palabra entre su persona y Shakira pa bienestar di nan yiunan.
Segun informacion “vanitatis” Pique y Clara Chia conoce otro prome cu e la cuminsa traha na e compania KOSMOS, anteriormente Clara tabata camarera den un di e discotecanan cu Pique tabata bishita frecuentemente ora cu e ta bay di fiesta cu Rique Puig y otro coleganan di e team di futbol.
