(AP) – For di loke bo ta cumpra online te na e manera cu bo ta monitor bo cas, Amazon ta tur caminda.
Y aparentemente e compania no kier cambia esaki pronto. Den simannan recien, Amazon a bisa cu nan lo inverti biyones di dollar den dos adkisicion gigante cu, si keda aproba, lo amplia nan presencia den e bida di clientenan.
E biaha aki, e compania kier drenta dos area. Cuido di salud cu e adkisicion di 3 biyon dollar di compania di cuido primario One Medical, y e area di “smart home” unda cu nan tin plan di expande nan presencia cu e adkisicion di 1.7 biyon dollar cu iRobot, e creador di e stofzuiger popular Roomba.
Posiblemente esaki no ta cay como un sorpresa, mirando cu e ta trata un compania cu tin un colleccion sumamente amplio di e clientenan, ambos adkisicion a aumenta e preocupacionnan di privacidad relaciona cu e manera cu Amazon ta colecta datonan y kico nan ta haci cu esaki. E linea mas recien di Roomba, por ehempel, tin sensornan cu ta crea un mapa y corda e structura di e vloer di un cas.
“Nan lo adkiri e set di dato amplio cu Roomba ta colecta tocante e persona su cas,” Ron Knox, critico di Amazon cu ta traha pa e grupo anti-monopolio a bisa na Local Self-Reliance. “E ta un intento obvio, aunke tur otro producto cu ta ser bendi na consumidornan, ta pa bo cas. Ademas di e preocupacionnan pa cu privacidad, ta bini e preocupacionnan tocante confiansa.”
Algun calculacion ta mustra cu e gigante ta controla mas o menos 38 porciento di e mercado online di Merca, permitiendo e compania colecta dato tocante e preferencia den compras di miyones di Mericanonan y mas mundialmente.
Te hasta personanan cu ta evita cumpra cu Amazon, no tin hopi control tocante con nan dunador di empleo ta dicidi di usa nan computernan y rednan, mirando cu Amazon conhuntamente cu Google tin hopi tempo ta domina pa medio di e servicio AWS.
