(NLTimes) – Delft University of Technology (TUDelft) a entrega advertencia oficial na dos asociacion di studiante tocante incidentenan cu a tuma luga durante ‘hazing’.
Den un di e incidentenan, nan a laga wax di candela drip riba un studiante di prome aña durante ‘hazing’ cu a tuma luga na Delftsch Studenten Corps (DSC). Ademas, na Virgiel, e miembronan a pusha un studiante sunu riba un vloer cubri cu pidanan di glas, vocero di e universidad a confirma na NRC.
Si cualkier di e dos asociacion crusa e linea un biaha mas durante e siguiente 3 aña, TU Delft lo kita nan reconocimento como un asociacion di studiante oficial y lo corta nan sosten financiero. E universidad tambe a instrui DSC pa comunica e incidentenan di manera mas transparent y demonstra cu ‘hazing’ ta tuma luga di manera sigur. DSC tambe no lo ser bon bini na comienso di e aña escolar.
E incidente na DSC a tuma luga comienso di aña pasa. Studiantenan a drip wax di candela cayente riba miembronan nobo, causando cu un di e mucha muhenan presente su cabey a pega na candela.
TU Delft a lansa un investigacion y a conclui cu DSC no “tin culpabilidad introspectivo,” “tin falta di control propio” y e supervisornan ta “bebe demasiado alcohol” durante ‘hazing.’ E universidad a pidi un cambio cultural na DSC.
