(NLTimes) – Pashentnan di cancer su chens nan di sobrevivencia a aumenta di manera significante den e decada pasa segun figuranan di Dutch Cancer Registry, cual ta maneha pa Integrated Cancer Center of Netherlands (IKNL).
Mas pashent di cancer ta bibo te ainda 5 aña despues di e diagnostico inicial. Mas persona ta sobreviviendo 10 aña despues di cancer, NOS a reporta.
Integrated Cancer Center of Netherlands (IKNL) a compara e figuranan di sobrevivencia mira entre aña 2011 cu aña 2020 na e decada anterior, cual ta 10 aña prome cu esaki. E proporcion di e pashentnan di cancer cu te ainda ta bibo 5 aña despues cu nan a ser diagnostica a aumenta di 58 porciento te na 66 porciento y e personanan cu ta bibo 10 aña despues cu nan a ser diagnostica a mira un aumento di 51 porciento te na 59 porciento.
Segun IKNL, e aumento aki den e chens di sobrevivencia ta pa causa di miho diagnostico y miho tratamentonan disponibel. E chens nan di sobrevivencia mas halto mira ta den cancer di pecho, prostata y cuero. Cu por lo menos 75 porciento di e pashentnan diagnostica bibo te ainda despues di 5 aña di e diagnostico. Esaki tambe ta aplica na cierto tipo di lymphoma.
E chensnan di sobrevivi cancer den pancreas ta mucho mas abao. Solamente 5 porciento di pashentnan cu cancer den nan pancreas ta bibo 5 aña despues di e diagnostico. Tambe a mira e mesun resultado den personanan cu un tumor cu a cuminsa desaroya, ken su localidad exacto den e curpa no ta conoci ainda. Cancer di pulmon y esophageal tambe ta dificil pa trata, cu un averahe di sobrevivencia cu ta mucho mas abao cu 30 porciento.
