Gobierno di Corsou a inicia un trayecto pa yega na un Emblema Nacional nobo pa Corsou di un forma participativo. Esaki ta parti di un esfuerso pa sigui yuda construi un Nacion.
E trayecto aki a ranca sali dia 4 di juli caminda Minister di Asuntonan General, sr. Pisas, Minister di Enseñansa, sr. van Heydoorn, y Presidente di Comision Emblema Nacional, sr. Guanipa, a anuncia comision di e trayecto aki.
Hinter e comunidad di Corsou a haya un total di 30 dia pa diseña y entrega un diseño basa riba e 5 criterionan cu e Comision Emblema Nacional a stipula. Pa mas informacion riba e criterionan, por subi riba e website www.emblema.cw.
Comision Emblema Nacional a haya un total di 205 diseño entrega di cua lo haci evaluacion individualmente basa riba e criterionan, pa asina yega na un top 10 cu pueblo di Corsou por bay vota riba dje pa nan emblema preferi.
Sigui gobierno su canalnan di comunicacion pa mas informacion tocante di e trayecto aki y eventualmente pa vota pa bo diseño faborito!
