(NLTimes) – Un reportahe tocante acusacionnan di abuso na Dutch Triathlon Association (NTB) a confirma cu comportamento transgresivo tabata un keho frecuente di varios di e atletanan cu a ser invita pa pasa tempo na e centro di training nacional den Sittard.
E estudio nobo a mira e periodo di 2007 pa 2021, y a inclui entrevista cu 28 atleta pa detaya nan experiencia y documentonan relaciona tambe a ser examina, segun agencia di investigacion Unraveling.
E disculpa duna anteriormente na atletanan actual y anterior no ta suficiente. Compensacion financiero posiblemente mester ser duna den cierto caso, e reportahe a bisa. Atletanan cu a participa den e programa y cu kier a trece dilanti preocupacionnan hopi biaha a enfrenta barera pa haci esaki, pa causa di miedo di ser ataca cu vengansa.
Algun atleta cu a sali for di e programa a bisa cu tin biaha nan a experiencia “problemanan serio mental of fisico manera problema di come, sentimentonan di depresion y agotacion pa causa di train dimas.” Na e facilidad den Sittard, atletanan a bisa cu nan tabata victima di “bullying, abuso emocional, sentimento cu nan ta ser provoca pa perde peso y sentimento cu nan mester keda train.”
Un problema particular tabata cu algun di e atletanan cu a ser invita pa train y biba na e localidad di Sittard “no tabata cla pa esaki den termino di edad ni di desaroyo.” Esaki a causa cu varios atleta a experiencia soledad extremo den un programa cu no a promove e desaroyo di educacion ni tampoco e muchanan mas hoben.
