(NLTimes) – Cadena hotelero Postillion a implementa un strategia nobo pa atrae empleadonan nobo den Hulanda su mercado di labor preta. E hotel lo yuda empleadonan paga nan deuda di studielening.
Pa cada ora cu traha, Postillion lo transferi 2,50 euro na DUO, e agencia cu ta maneha e prestamonan di studiante, AD a reporta.
Rik-Jan Gijnaar, director general di e cadena di 8 hotel, a puntra studiantenan di e scol di Hotel Management na Maastricht pa haci recomendacionnan cu lo por yuda mehora Postillion su condicionnan di empleo secundario. “Nan a laga cla cu ta e grupo di 18 pa 26 aña di edad cu ta preocupa cu nan debe na scol,” el a conta e corant. “E ta haci cu a bira mas dificil pa haya un prestamo pa un cas por ehempel.”
Pa motibo aki, Postillion a conclui cu pa medio di yuda paga e prestamo di scol por crea un condicion atractivo. Mas o menos 15 empleado ya caba ta haciendo uso di e skema aki, Gijnaar a bisa. “Den e caso di empleo full time, nos ta paga bek 5,000 euro pa aña. Nos ta paga esaki directamente na DUO, dunando e empleado su number di registracion civil. Nos no kier usa esaki como un aumento di salario scondi.”
Postillion tambe ta trahando riba miho condicionnan di trabao pa empleadonan cu no tin debe di studiante. “Nos ta revisando skemanan di pension pa nan un biaha mas,” Gijnaar a splica.
