(AP) – Apple a revela vulnerabilidadnan serio den e seguridad di iPhone, iPad y Mac cu potencialmente por permiti hackernan tuma control completo di e dispositivonan aki.
Apple a lansa dos reportahe di seguridad tocante e problema riba diaranson aunke cu esaki no a ricibi atencion amplio fuera di publicacionnan relaciona cu tecnologia.
Apple su splicacion di e vulnerabilidad ta nifica cu un hacker por ricibi “acceso completo como administrador” di e dispositivo. Esaki lo permit e persona haci su mes pasa como e dono di e dispositivo y pone cualkier programacion den esaki na nan nomber, Rachel Tobac, CEO di SocialProof Security a splica.
Expertonan di seguridad a conseha usuarionan actualisa tur e dispositivonan afecta, cual ta e modelonan di iPhone 63s en adelante, varios model di iPad incluyendo 5th Generation y adelante, tur model di iPad Pro y iPad Air 2 ademas di computernan Mac cu tin e programacion MacOS Monterey. E fayo aki tambe ta afecta algun model di iPod.
Apple no a bisa den e reportahenan con, unda ni tampoco door di ken e vulnerabilidadnan aki a ser descubri. Den tur caso, el a ser informa como un investigador anonimo.
Companianan di espionage comercial manera Israel su NSO Group ta conoci pa identifica y probecha di e tipo di vulnerabilidadnan aki, explotando nan cu programacionnan cu ta infecta e victima su dispositivo pa asina vigila nan.
Investigador di seguridad Will Strafach a bisa cu e no a mira un analisis tecnico di e vulnerabilidadnan cu Apple a caba di drecha den e actualisacion recien. E compania anteriormente a admiti fayonan similar serio, y loke Strafach ta calcula como decenas di caso, a nota cu e tabata al tanto di reportahenan cu e tipo di fayo aki a ser explota
