(AP) – Reguladornan federal riba diahuebs a publica un advertencia cu ta prome di su tipo na e creador di gummies di nicotina, bisando cu e mangelnan ilegal ta un peliger cu ta keda aumenta na e hobennan y muchanan.
Food and Drug Administration a bisa cu e gummies di sabor di fruta di Florida a fabrica VPR Brands por causa venenamento di nicotina y te hasta morto si nan ser comi pa muchanan chikito. Reguladornan tambe a cita investigacion recien unda cu ta sugeri cu e mangelnan di nicotina y productonan similar ta birando cada biaha ma popular entre studiantenan.
“Gummies di nicotina ta un crisis di salud publico cu ta wardando pa tuma luga den nos nacion su hubentud, particularmente mirando cu nos ta drentando un aña escolar nobo,” comisario di FDA Robert Califf a bisa den un declaracion.
Den maart, Congreso a pone pausa na un ley unda cu ta duna FDA e autoridad riba tur forma di nicotina, sin importa si esaki ta di e planta di tabaco of fabrica den laboratorio. Esaki a cera un buraco den FDa su rango, cual te cu prome cu esaki a inclui solamente nicotina di plantanan.
Fabricante VPR Brands ta bende y promove gummies vierkant cu ta “nicotina liber di tabaco.” Den añanan recien, varios compania di “vape” a haci declaracionnan similar, bisando cu nan a cambia pa nicotina sintetico.
