Dos biaha pa siman, ministernan di Husticia di Reino Hulandes ta reuni cu otro pa discuti e maneho comun pa cu, entre otro, criminalidad organisa, migracion y control di frontera. Dialuna ultimo, 15 di augustus a tuma lugar asina-yama Justitieel Vierpartijen Overleg (JVO, Consulta di Husticia di Cuatro Partido) na Den Haag, cu minister di Husticia di Aruba, Rocco Tjon; di Corsou, Shalten Hato; di Hulanda, Dilan Yeşilgöz-Zegerius, y di Sint Maarten, Anna Richardson.

Migracion

Un maneho efectivo di migracion, como tambe supervision reforsa di frontera conforme e obligacionnan internacional ta di gran importancia pa henter e reino. Como consecuencia di e fluho migratorio enorme for di Venezuela desde 2014, tin cada mes mas atencion pa e cuestion di migrantenan na e paisnan, entre otro, riba tereno di e repatriacion di e migrantenan. Durante e JVO a yega na acuerdonan pa traha hunto mas intensivo riba e area di repatriacion y retorno. E meta ta pa lanta un red di colaboracion fuerte, cu ta ehecuta un proceso humano, transparente y eficiente, cu atencion special riba reintegracion duradero y retorno boluntario.

Tambe a haci acuerdonan tocante e evacuacion di mucha durante un desaster nacional dentro di Reino, pa asina por evacua muchanan rapido, sigur y cu suficiente garantia. Esaki ta particularmente importante pa preveni secuestro di mucha, y preveni situacionnan manera na 2017 despues di horcan Irma, unda muchanan a keda desplasa sin registracion debido.

Plan di maneho hudicial di wardacosta

Wardacosta pa Teritorio Caribense (Kustwacht Caribisch Gebied) ta ehecuta actividadnan investigativo, ta combati traficacion di hende y traficacion di productonan ilegal, y ta traha tambe pa combati terorismo. Esakinan ta actividadnan importante pa mantene colaboracionnan sigur cu partnernan den e teritorio, y pa intercepta fluhonan ilegal den region.

Lineanan di maneho nobo pa e tareanan aki di Husticia di wardacosta a keda seya durante e JVO door di e ministernan, pa asina e intercambio di informacion y compartimento di conocemento y specialisacion por wordo mehora.

Colaboracion brandweer CAS-BES

Ademas di esey tabatin un acuerdo di colaboracion nobo entre e cuerponan di bombero di Aruba, Corsou, Sint Maarten y islanan BES (Bonaire, Sint Eustatius y Saba). Mediante esaki, ta extende e exitoso colaboracion riba e tereno di educacion y maneho di crisis cu tres aña mas.

Meta di e consulta di mita di aña

E meta di e consulta di mita di aña ta pa acorda un maneho conhunto y coordinado di e asuntonan hudicial comun entre e paisnan. Durante e consulta, minister Yeşilgöz-Zegerius tambe ta representando e interesnan di e paisnan di Hulanda Caribense: Bonaire, Saba y Sint Eustatius. E proximo JVO ta bay tuma lugar na januari di 2023, na Aruba.

Potretnan ilustrativo.