Airbnb lo lansa hermentnan nobo pa examina usuarionan cu kier huur propiedad

(AP) – Airbnb ta bisa cu nan lo usa metodonan nobo pa detecta y blokia personanan cu kier usa e servicio di huur pa orgnanisa fiesta.

E compania a bisa diamars cu nan a introduci un tecnologia cu ta examina e huurdo su historial riba Airbnb, con leu nan ta biba di e cas cu nan kier huur, si nan ta huur pa un dia di siman of dia den fin di siman y otro factornan.

Airbnb a bisa cu e sistema aki cual lo keda implementa pa Merca y Canada tin desde October aña pasa den fase di test pa Australia, unda cu el a produci un disminucion di 35% den e fiestanan no autorisa.

E compania basa na San Francisco a bisa cu e tecnologia aki ta diseña pa rpeveni cu un cliente su peticion di reservacion lo yega na e persona doño di e propiedad. Airbnb a bisa cu e personanan cu keda blokia di huur un cas por huur un solo camber pa motibo cu tin mas probabilidad cu e doño di e cas lo ta presente.

Airbnb tin presion cu ta keda aumenta pa combati e fiestanan aki desde aña 2019, ora cu un fiesta di Halloween organisa na un cas a resulta den e asesinato di 5 persona despues di un tiroteo cu a surgi.