(infobae) – Fiscalia General di Colombia a indica mediante un comunicado cu a acusa formalmente dos cabesante di disidencianan di FARC pa reclutamento forsa. Ta trata di Gener Garcia Molia, alias Jhon di 40 aña; y Alexander Diaz Mendoza, alias Calarca; ademas di Fabian Guillermo Espinosa Arboleda, alias Cancharino of Cristian Guerra, “presunto responsable di reclutamento ilicito di dos menor di edad cu a fayece den un accion militar na San Vicente del Caguan (Caqueta) riba 29 di augustus 2019”.
E investigacion realisa pa e ente acusador a permiti establece cu alias Cancharino of Cristian Guerra tabatin na su cargo di e structura Miller Perdomo un comision arma. Debi na e registro di e denuncianan realisa, a identifica cu e reclutamentonan a tuma lugar den dos vereda di municipio di Puerto Rico na Caqueta, presuntamente ambos menor a keda traslada na e campamento di alias Gildardo of Cucho. Despues di tres siman a haya e curpa di e menornan di 12 y 15 aña na e zona unda ehercito a desplega un operativo militar.
“Pa e hechonan aki, e cabesantenan señala di e disidencianan den oriente di e pais a keda acusa formalmente pa e delitonan di concierto pa comete delito agrava y reclutamento ilicito”, e Director Specialisa Contra Violacionnan di Derechonan Humano, Deicy Jaramillo Rivera a comenta, destacando cu ta bay procesa nan como persona ausente.
