(NLTimes) – E prijsnan di comestibel, energia y otro gastonan diario ta afectando e salud di hendenan. Dokternan di cas cada biaha ta mirando mas pashent cu kehonan causa pa stress, nan a bisa corant AD.

Preocupacion financiero por causa kehonan fisico y mental of haci problemanan di salud sea fisico of mental pio of mas persistente, e dokternan a bisa.

Mas o menos 1 den cada 5 vivienda, den e caso aki na Hulanda, ta luchando cu debenan problematico. “Tur dokter di cas ta mira esaki, sinembargo no semper e ta keda inmediatamente cla cu e preocupacionnan financiero ta e causa di e problemanan medico aki pa cual e hendenan ta reporta na dokter,” e vocero di asociacion di dokternan di cas LHV. “Problemanan financiero cu ta keda aumenta por ciertamente causa cu tin mas bishita na dokternan di cas.”

E guera na Ucrania, entre otro, ta causando cu e prijs di cuminda, gasolin y energia ta keda aumenta continuamente. Compania di energia Essent ta cada biaha mas preocupa tocante nan cliente su habilidad di por paga e recibo na fin di e luna. 1 den cada 3 famia lo haya nan mes den dificultad financiero den algun luna pa causa di e prijsnan halto i gas y electricidad, Essent a bisa na De Telegraaf.

Actualmente, mas o menos 1 miyon ta gasta 10 porciento of mas di nan ingreso riba energia. Essent ta premira cu esaki lo aumenta na 2.5 miyon vivienda den e lunanan binidero. Esaki ta pone nan den pobresa di energia, cual ta ora e vivienda ta gasta asina hopi riba calentamento y electricidad cu otro gastonan no por ser cubri mas.

Riba diahuebs, e lidernan parlamentario di e 4 partidonan di coalicion lo reuni pa asina dialoga tocante inflacion y poder di compra prome cu e negociacionnan oficial pa otro aña su presupuesto. Fuentenan cercano na Gabinete a conta NOS cu Sophie Hermans di VVD y Jan PAternotte di D66 conhuntamente cu Pieter Heerma di CDA y Gert-Jan Segers di ChristenUnie a keda di acuerdo prome cu e receso pa reuni.

Dialogo oficial tocante e presupuesto nacional pa aña 2023 lo cuminsa otro siman despues cu Central Planning Office (CPB) publica nan calculacion tocante e desaroyo di economia Hulandes y e poder di compra pa otro aña.