Ayera Ministerio di Husticia y Asuntonan Social a organisa un sesion informativo pa stakeholders di sector publico y sector priva riba “family mediation”. Esaki den cuadro di e “plan di mayor”.
E sesion aki a wordo organisa pa Sra. Michella Steenvoorde- Laclé, beleidsmedewerker di Ministerio y presidente di Cie. Voortgezet Ouderschap/ Plan di Mayor, cual tawata uno exitoso. Sra. Barbara Abdoelkariem; hurista y experto riba e materia, a duna un splicacion amplio di e proyecto aki. Un total di 56 profesionalnan a atende e workshop, cual a wordo parti den 2 sesion; un grupo di profesionalnan den e area preventivo, y finalmente e grupo di profesionalnan den e area curativo.
Pronto lo bay cuminsa cu e opleiding pa di e forma ey introduci 12 mediador specialisa riba e area di famia, pa asina yuda y guia famianan cu ta pasa den problemanan. Di e forma aki ta alivia problemanan social, cu por surgi si e caso no haya atencion, pero alabes ta alivia e peso di trabou pa corte di Husticia y Directie Voogdijraad.
Minister di Husticia y Asuntonan Social Rocco Tjon a gradici sra. Barbara Abdoelkariem pa e informacion brinda y pronto lo inicia cu e opleiding na Aruba.
