(AP) — Miembro veterano di elenco di ‘Saturday Night Live’, Kenan Thompson ta bay ta anfitrion di e Premionan Emmy proximo luna.
“Pa forma parti di e anochi increibel aki, unda nos ta duna honor na lo miho di e comunidad di television ta ridiculamente emocionante, y pa hacie riba NBC – mi canal famia di hopi tempo – ta hacie hopi mas special”, Thompson a bisa den un declaracion diamars.
Thompson ta cu e show di NBC anochi laat desde 2003, y ta bolbe pa su di 20 temporada e herfst aki.
Su trabao na SNL a gan’e un trio di nominacion como actor di reparto pa Emmy, y el a gana un trofeo na 2018 como co-escritor di e letranan di e cantica ‘Come Back, Brack’, cual a aparece den e show.
El a ricibi un nominacion como actor principal aña pasa pa su comedia ‘Kenan’, cual NBC a cancela na mei despues di dos temporada.
Thompson tabata un miembro original di e elenco di e serie di comedia pa mucha di Nickelodeon, ‘All That’, y tabata strea hunto cu Kel Mitchell di e serie spinoff, ‘Kenan and Kel’. Su creditonan di pelicula ta inclui ‘Clifford the Big Red Dog’ y ‘Barbershop 2: Back in Business’.
E ceremonia di Emmy dia 12 di september ta bay transmiti en bibo riba NBC y carga riba su plataforma di streaming, Peacock. Nominadonan top ta inclui e drama ‘Succession’ y ‘Squid Game’, y e comedianan ‘Ted Lasso’, ‘Hacks’ y ‘Only Murders in the Building’.
