Rednan social ta ofrece mayornan mas control pero esaki ta yuda?

(AP) – Mirando cu preocupacionnan tocante e efectonan dañino di rednan social riba hobennan ta sigui aumenta, plataformanan di Snapchat na TikTok na Instagram, ta creando funcionnan nobo unda cu nan ta bisa nan servicio lo bira mas safe y apropia pa cada edad.

Sinembargo e cambionan no ta trata e problema mas grandi, e algoritmo cu ta pusha contenido sin fin cu no ta capta solamente hobennan, sino tur hende, y ta causa un adiccion dañino.

E hermentnan ta ofrece un poco ayudo, manera blokia personanan straño di manda mensahe na muchanan. Pero tambe nan ta trece fayonan profundo, cuminsando cu e hecho cu e hobennan por evadi cierto limite si nan gaña tocante nan edad. E plataforma tambe ta pone e responsabilidad di implementa cierto cosnan riba e mayornan. Tambe nan ta haci tiki pa revisa cu e material cu e algoritmo ta trece dilanti no lo afecta di manera dañino e hoben su bienestar fisico ni mental.

“E plataformanan aki sa cu nan algoritmo por hopi biaha amplia contenido dañino, y nan no ta tumando e pasonan corecto pa para esaki,” Irene Ly, consehero di privacidad a bisa na e compania Common Sense Media. Mas hoben ta haci uso di e plataformanan aki, y mientras mas nan haci uso di esaaki, mas ganashi nan ta genera pa e plataforma. Mi no ta kere cu nan tin hopi intencion di cambia esaki.”