Ex trahadonan di refineria Isla un biaha mas ta ricibi pago di redundancia. Esaki Gobierno di Corsou recien a palabra conhuntamente cu Refineria di Corsou (RdK). Ta trata aki di e di 5 y ultimo transh cu lo bay paga e trahadonan, cual ta suma un montante total di ANG 12 miyon.
E decision a cay despues cu gerencia y conseho di supervision di RdK, den consulta cu accionistanan, a bay di acuerdo cu e proposicion riba mesa. Intencion ta – igual na tur transh anterior – pa RdK por recupera e montante nan cu ya a yega di paga y cu ta bay paga awor, dor di ‘claim’ nan cerca PDVSA. Sinembargo, resultado positivo of no di esaki no ta di influencia riba e siguransa pa e ex trahadonan ricibi nan compensacion. Na momento di pago lo tene debidamente cuenta cu tur posibel palabracionnan haci cu sindicato.
