Leon Berenos un Arubiano cu a traha rond mundo y conoce historia den su plant’iman. E mes ta un cientifico, sociologo. E ta gusta historia mirando cu e la traha den medio di comunicacion henter su bida rond mundo. Den sociologia tin un ramo cu tin hopi di haber cu historia, segun Berenos e ta gusta historia paso su backround ta comunicacion unda cu a traha den medio di comunicacion henter mi bida.

Loke ta bunita di e trabao aki ta cu den informacion ta siña hopi cos. Sinembargo mi a bin Aruba back y loke cu a ripara ta cu mas cu 90% di nos poblacion no sa nada nada di Aruba, e pais cu nos tur ta biba riba dje tin un porcentahe hopi grandi cu no sa di su propio pais.

Pa e motibo aki mes Berenos a dicidi cu lo e concentra su mes riba e topico di historia pa su hendenan Arubiano y kier pa tur hende sa cu Aruba ta un isla tremendo y e tin un historia hopi largo. Nos hende nan mester por conoce 388 aña di nan Pais y tambe con nan como ciudadano di e Pais ta para den e storia economico social.

Señor Leon Berenos no solamente a atende e anochi di intercambio di historia di sclavitud na Nicolaas Store na San Nicolas pa scucha, pero tambe pa aporta den cierto topiconan cu tin di haber cu e storia fisico, psicologico y social di Aruba.

Tambe na varios ocasion a organisa diferente actividad social cultural na San Nicolas y esaki ta e parti cu lo bolbe rebiba San Nicolas unda cu lo mester tin conocemento, interes di e ciudadanonan pa pasa e conocemento pa otro.

Tin hopi trabao pa haci den historia di Aruba, si mester puntra cualkier mucha di scol cu a caba HAVO of VWO y haci nan pregunta riba nan mes un pais , ta sigur cu nuebe di nan lo no sa. Tambe e sistema di enseñansa cu Aruba tin ta concorda cu e sistema di Hulanda esey kiermen cu nos a tuma cosnan over y a djis copy paste di Hulanda cu no ta fit Aruba.

Segun Berenos pa cuminsa un Hulandes no sa kico ta un yuwana, pero na Aruba si nos sa kico ta un baca y un cacho. E situacion cu Aruba ta den dje no ta conta solamente pa educacion so pero e ta conta pa nos tur cu ta biba riba e pida baranca aki y hasta e ambtenaar nan. Loke ta un realidad ta cu nos Arubianonan ta enfoca mucho riba otro pais y no ta enfoca riba nan mes un pais y nan mes un talento. Pa e motibonan aki Leon Berenos ta kere cu nos tin hopi pa siña ainda.

Sinembargo awendia pa yega na informacion ta hopi mas facil mirando cu e mundo digital ta duna bo e espacio pa haya hopi informacion y siña di dje. E mundo digital kiermen cu tur conocemento cu tin na mundo ta den bo man, sea ta riba telefon, iPad, iPhone, TV, laptop, computer no por tin excuus cu no tin informacion.

Na momento cu tin hende cu ta busca informacion sea ta di historia y of di otro concepto bo nivel di bida ta bira mas halto, bo calidad di bida ta bira mas halto. P’esey mes ta importante pa tur Arubiano mester sa calidad di bida ta mara na conocemento y no ta mara na e placa cu bo ta gana. Conocemento ta sumamente importante y na momento cu bo tin e bo por distribui esaki na bo famia sea ta bo tata, mama of yiunan nan tambe mester sa kico abo sa. Combersa cu otro y comunica cu otro ta hopi importante. Na momento cu ta scoge un informacion digital scoge y sa y laga otro hende tambe gosa di dje.

Pa loke ta trata e historia di sclavitud entre Aruba y Corsou e diferencia entre Aruba y Corsou ta economia, si un economia ta draai bon manera esun di Aruba e gobierno no ta pone atencion riba puntonan cu no ta trece placa, por ehempel cultura , literatura y arte ta puntonan cu no ta rindi, loke cu si ta rindi ta trabao.

Unda cu tin trabao ta placa, por ehempel bo ta subi di puesto na trabao di un bartender ta bira un supervisor y pa bo bira un supervisor bo no tin mester sa nada di Aruba , pero mester sa con pa sirbi un hende. Segun Leon Berenos a yega e momento pa e gobernantenan mira esaki y pone atencion riba cultura,literatura cu ta un parti spiritual no tangibel y esey ta haci cu e hende ta bira mas consciente di su luga.

Na e momentonan aki tin hopi hende no ta consciente di nan pais tur hende ta come por ehempel un patacon, pero no ta duna balor na su propio cuminda local. Aruba a importa hende for di otro pais , pero tambe nos a importa nan custumbernan y e ciudadanonan di Aruba ta asina facil cu nos ta laga nos custumbernan un banda y tuma esun di nan.

Esaki ta puntonan cu nos como Arubiano mester tene mas cuenta cu ne. Tin hopi factornan cu ta hunga un rol unda cu Arubiano nan ta haci y cu no ta di nos cultura , esaki ta pone cu poco poco nos mes a permiti pa nos perde nos identidad como Arubiano. Gobierno tin un tarea hopi grandi unda cu mester drecha tur e partinan aki , con pa haci esaki ta dunando informacion, formacion, educacion y guia spiritual bon.

Un turista ta bin Aruba pa su solo, santo y lama loke cu nan no tin riba nan pais. Tambe tin hende grandinan cu ta bin Aruba specialmente pa drumi riba beach paso nan tin stress. Tambe tin un grupo chikito cu ta bin pa cultura, e tipo di turistanan aki ta turistanan studia nan a tende di Aruba y nan lo kier experencia loke cu nan ta mira digitalmente y nan lo kier mire real, e tipo di turistanan aki ta un grupo masha chikito.

Banda di tur esaki e turista tambe ta bin pa e hende, e Arubiano ta haci cu tur 90% di nos hendenan ta bin pa e hende, nos ta hopi amabel , servicial y pa e turista nos sa hopi, aunke cu nos no sa hopi di nos mes, pero pa nan nos sa hopi. Nos ta haci cada turista cu bini Aruba sintinan na cas. Esaki ta algo positivo pa Aruba y e ta algo sociologico di e turista. Na momento cu un turista ta gasta placa ta paso e ta sinti su mes na cas. Na Corsou e ta full diferente y Corsou nunca lo no haya e turista cu Aruba tin. E mentalidad di hende ta hopi importante.