(CiberCuba) Un cambio grandi cu lo tuma luga na mundo unda cu e reglanan pa competencia di Miss Universo ta cambia drasticamente. E cambionan aki ta drenta na vigor den e competencia di Miss Universo 2023, esaki ta un cambio historico pa e mundo di beyesa.
Miss Universo ta e prinsipal concurso di beyesa na nivel internacional unda cu a habri su portanan y awo ta permiti pa muhenan casa,divorcia, mama y esnan na estado participa na e edicion di e aña cu ta bin, asina e comite organisado a anuncia. Sinembargo no ta esaki so lo ta e cambio , pero lo extende e edad te cu 28 aña.
E gerencia a dicidi di haci e cambio aki despues di 70 aña di practicanan cu a exclui hopi cos y di e manera aki ta termina cu un practica di mas di 70 aña. Mirando cu hopi cos a cambia den e mundo di beyesa nan tambe como organisacion mester trece nan cambionan tambe y di e manera aki ta habri porta pa mas posibilidadnan di muhenan cu kier participa pa Miss Universo.
E concursonan nacional ya caba nan a haci cambio na nan reglanan y cu esaki ta vigente caba. Amy Emmerich CEO di Miss Universo a duna di conoce cu e decision a keda tuma despues cu a haci un encuesta entre e siguidonan di e frankicia y directornan cu a vota positivo pa bin cu un cambio y haci e exigencianan mas suave cu miss Universo ta conoci di dje cu ta hopi recto y streng den e parti aki.
Ta kere firmemente cu e hende muhe mester por papia di nan bida y cu nan circunstancia personal y esaki no mester ta un barera pa su exito, asina e generncia di Miss Universo a sigura.
