Prome Minister Gilmar Pisas den un conferencia di prensa a elabora riba e situacion di COVID na Corsou. Despues di un temporada basta largo relaciona cu COVID awe tey back pa mira con lo sigui padilanti. Segun prome minister Pisas COVID a haci Corsou y na mundo completo hopi daño. COVID a trece hopi amargura, dolor , kiebro den famia y perdida den trabao y esun mas doloroso ta caminda personanan ta fayece pa motibo di COVID.
Banda di tur esaki e prome mandatario ta kere cu awe Corsou ta bini back hopi fuerte , aunke cu ainda e Covid no a pasa completo pero lo bay atende cu e Covid y e crisis den un otro manera. Si mester compara e situacion actual compara cu 6-7 luna atras por bisa cu no tin motibo pa sigui bisa cu Corsou ta den un crisis. Awo departamento di salubridad publico na Corsou ta cuminsa haya e responsabilidad pa atende cu e crisis for di ayera 4 di augustus 2022. Esaki ta significa cu lo ta e ultimo conferencia di prensa tambe cu lo ta den e forma oficial como team di di Covid di Corsou.
Sinembargo mester keda atento debi cu e Covid no a disparce y algun pais a mustra un biaha mas cu tin cifranan cu ta subiendo atrobe . Na Corsou ta e mes un situacion pero e cifranan ta fluctua y esaki ta pone cu nos como ciudadano mester asumi cu Covid no ta bay for di mundo.
