Dialuna den conferencia di prensa, Minister Dangui Oduber a papia over di con Aruba su recuperacion di turismo ta excepcional y entre e mihonan di mundo. Pa e promer 6 lunanan di aña 2022 Aruba a ricibi 528.325 turista. Esaki ta un recuperacion di 92%!
Aruba su recuperacion di turismo pa 2022 te cu awor ta 92% (-8%), cual ta hopi bon! Un di e mihonan di mundo.
Recuperacion mundial ta 46% (-54%).
Recuperacion den nos parti di mundo ta 60% (-40%).
Esaki ta confirma nos curashi y determinacion pa anuncia nos “exit strategy den pleno pandemia na januari 2022. Turistanan tawata sinti nan mes safe y sigur cu Aruba su protocolnan. Manera IMF a señala; “Aruba moved very swiftly from the pandemic.” Awe Aruba ta e di dos pais na mundo cu miho recuperacion di turismo.
Danki na tur partnersnan, ministerio Turismo, Aruba Tourism Authority (ATA), Aruba Ports Authority (APA), Aruba Airport Association (AAA), Aruba Hotel and Tourism Association (AHATA), Aruba Time Share Association (ATSA), Aruba Vacation Rentals y danki na tur cu ta traha den e sector di turismo y na henter nos comunidad di nos dushi isla Aruba.
