(ElNacional/EFE) – E general Hugo “El Pollo” Carvajal a solicita su libertad despues di permanece cerca di un aña den un prison provisional na Spaña, wardando pa su extradicion pa Merca pa delitonan di narcotrafico wordo formalisa, un entrega cu ta sigui den suspenso despues di a apela esaki na Tribunal Europeo di Derechonan Humano (TEDH).
Segun fuentenan huridico a confirma na EFE, e defensa di e ex-hefe di Inteligencia chavista a presenta un recurso reclamando su liberacion mientras e ta den espera riba e decision di TEDH.
“E no ta procesa na Spaña ni na ningun pais na Europa, e no tin ningun cuestion pendiente cu husticia, door di cual su estadia den prizon no tin sentido, ta ilegal y contrario na e norma Europeo y Constitucional na Spaña”, su abogado ta alega, ken ta invoca tambe e yamadanan di atencion na Spaña di parti di TEDH door di usa e medida aki di manera desproporcional.
Dia 25 di maart ultimo, e Audiencia Nacional Spaño, esun cu mester tramita e extradicion, a lag’e un biaha mas den suspenso despues di ricibi comunicacion procedente di TEDH, cu sede na Estrasburgo, ariba e intervencion di e recurso nobo aki contra su entrega.
E Audiencia Nacional a acorda su entrega na Merca na 2019, pero ora cu esaki lo mester a wordo ehecuta Carvajal no por a wordo localisa te september di 2021 ora cu nan a descubrie, cu ayudo di DEA Mericano, na Madrid.
Su abogado ta purbando di para e extradicion cu tur tipo di recurso, el a entrega un segundo peticion di asilo, cu a pesar di wordo rechasa di nobo, lo continua su recorido via e caminda di e recursonan.
