(NLTimes) – Dos ex studiante di Gomarus School Commumity na Gorinchem y Zaltbommel a entrega keho contra di Public Prosecution Service (OM) su decision di no procesa legalmente e scol pa e manera cu nan a trata studiantenan gay y lesbiano.
E asociacion di interes di LGBTQIA+ COC Nederland, cual a uni na e caso como un partido, a anuncia esaki. E studiantenan a entrega un procedura Articulo 12, den cual un hues ta examina OM su decision.
OM a bisa den mita di juni cu e scol a surpasa e limite permisibel.” “E scol tabata un luga cu no tabata sigur pa e studiantenan parti di e comunidad LGBTQIA+.” E investigacion di OM a confirma cu den aña 201, e scol a forsa un studiante revela su sexualidad na su mayornan. E scol tambe a pone reglanan specifico na con pa traha e studiantenan gay y docentenan tambe. E maestronan mester a bisa e hunta si nan ta kere cu un studiante of docente ta homosexual. S, despues di un reunion cu e hunta, e empleado “sigui cu su bida di e manera aki y ta keda cu e intencion di no cambia” e hunta lo procede cu “un solucion pa e dilema,” segun un memo publica den december.
Sinembargo den mey, inspectorado di educacion a conclui cu e scol ta sigur pa tur hende y cu “tur e rekisitonan di e inspectorado pa mehora e situacion y garantisa e siguridad di e comunidad en cuestion a ser cumpli.” Pa motibo aki, OM a nenga di procesa di manera criminal pa motibo cu e scol a cambia su curso pa motibo cu no a mira mas incidente nobo despues cu aña 2016.
Organisacion COC inmediatamente a bisa cu ta “ridiculo” cu no tin un caso criminal. E organisacion awo ta bisa cu e scol no a cambia nada y no a tuma responsabilidad pa nan comportamento. “Public Prosecution Service ta laga e studiantenan aki nan so. E ta importante pa sigui cu e proceso legal y pa e ta cla na otro scolnan cu loke a tuma luga na Gomarus ta inaceptabel,” vocero di COC Nederland a expresa.
