(AP) — Maestronan di Panama ta bolbe klas ayera diamars despues di un welga di un luna largo, sosteni pa un cantidad di otro sector cu a blokea comercio y a atrapa e capital den trafico pa motibo di e costo halto di bida y corupcion di gobierno.
E welga di e maestronan a cuminsa loke a bira e protesta social di mas grandi mira na Panama den añas. Educadornan a bisa cu nan tabata fada cu e prijs haltisimo pa gasolin, cuminda y medicina, y tabata kier mas inversion den educacion.
Trahadornan di construccion y gruponan indigena eventualmente a join e maestronan, como tambe Panameñonan averahe kende tabata frustra. Nan a pone blokeo riba caminda, tapando rutanan di suministro y ocasionando escasez.
Despues di mas di un siman di dialogo cu mediacion di Iglesia Catolico, gobierno a bay di acuerdo pa para prijs riba decena di producto basico di consumidor y un prijs mas abao pa gasolin.
Gobierno a bisa cu ta bay crea mecanismonan pa e compra directo di medicina pa evita escasez cu ta plaga hospitalnan publico, y a priminti di pone prijs maximo pa 150 remedi.
E dialogo entre gruponan di protesta y gobierno tabata programa pa continua awe. Varios exigencia pendiente ta keda, incluyendo reduccion di costo di electricidad, aumento di transparencia di gobierno, y reduccion di corupcion den gobierno.
Prome cu anuncia e fin di e welga e siman aki, e maestronan a tene un rally grandi na e capital.
