(NLTimes) – Central Agency for Reception of Assylum Seekers (COA) lo por obliga municipalidadnan pa crea shelter pa e refugiadonan, segun NOS.
E proceso pa coopera cu municipalidadnan ta tumando demasiado tempo, mientras e refugiadonan ta drumi sin cama na e centronan di recepcion, miembro di e hunta Joeri Kapteijns a conta Nieuwsuur.
“Un cantidad di municipalidad ta cooperando, pero un gran cantidad di municipalidadnan no ta haciendo esaki. Nos tin mester di un acuerdo di parti di municipalidadnan, pa motibo cu e situacion a agudo, Kapteijns a bisa di e proceso pa sigura e recepcion di solicitantenan di asilo.
Den e lunanan pasa, algun persona solicitando asilo na Hulanda mester a drumi riba stoel na e centro di recpecion na Ter Apel cu no tin suficiente empleado. Cruz Cora a critica e condicionnan na Ter Apel como “degradante” y “inhumano.
Durante Nieuwsuur su entrevista, Kapteijns a referi na e luchanan na e centro di recepcion. “E ta un cricis real. Bo ta mira esaki na Ter apel. E tin un impacto grandi na e centro di asilo aki, y tambe riba nos empleadonan. Nos no por mantene esaki.”
Kapteijns a delinea un plan pa crea localidad di shelter permanent na Hulanda cu nunca lo ser cera. Ora cu nan capacidad completo no ta necesario, e localidadnan aki por ser usa pa otro propositonan, manera vivienda pa studiantenan segun NOS.
