(NLTimes) – Segun e comision Europeo, Hulanda ta e tercer pais mas digitalisa den e Union Europeo cu Finland y Dinamarca den e prome y segundo posicion.
Ora cu nan a cuminsa revisa e lista, e comision Europeo a mira e calidad di e infrastructura digital, entre otro. Hulanda a ricibi un puntuacion halto den esaki cu 91% di e conexionnan Hulandes cu acceso na internet lihe sea cu cable of ‘fiber optic’. Den henter e Comision Europeo, esaki ta un meta cu a pone pa logra den aña 2030. Hulanda su disponibilidad di internet mobil tambe ta riba di e averahe Europeo.
E comite tambe a tuma nota cu inversionnan den por ehempel, inteligencia artificial, ta di importancia “critico” pa e mantenimento di e posicion cu Hulanda actualmente tin. Actualmente solamente 13 porciento di e companianan na Hulanda ta haci uso di e tecnologia aki. E Union Europeo kier pa esaki aumenta y bira un cantidad di 75 porciento di tur compania na Hulanda cu ta haciendo uso di inteligencia artificial pa aña 2030, asina cumpliendo di un manera mucho mas amplio y completo cu e meta cu a pone den vigor pa e paisnan concerni.
