(LaPatilla) – Partido Comunista di Venezuela (PCV) a denuncia un campaña violento lidera pa Partido Socialista Unido (PSUV) despues di e agresionnan cu nan ta sigura dos di nan dirigentenan a sufri durante un manifestacion di e trahadonan publico durante cual a detene otro di nan miembronan, Angel Castillo.
Den un comunicado, e comunistanan a afirma cu durante e protesta laboral na Caracas, nan dirigentenan Adelaida Zerpa y Jackeline Lopes a wordo golpia den hechonan diferente door di funcionarionan di Servicio Bolivariano de Inteligencia Nacional (Sebin) y “grupos de choque” di PSUV.
“E hechonan aki ta demostra e buelta violento cu e campaña anticomunista a tuma cu voceronan di e directiva di PSUV y su operadornan politico den medionan di comunicacion ta sosteni pa inutilmente trata di neutralisa e malcontento popular cu e plan di ahuste salarial pa empleadonan publico”, PCV a indica.
E organisacion politico a detaya cu Lopes a wordo golpia mientras e tabata e graba e gruponan cu tabata provoca e manifestantenan y cu a ranca y kibra su telefon for di su man.
Di acuerdo cu e relato, Lopes a worda ataca pa gruponan di choque, uniforma cu uniformnan di e Alcaldia di Caracas, coordina pa PSUV.
Pa loke ta e agresion cu, nan ta afirma, Zerpa a sufri, PCV a splica el a wordo golpia pa e funcionarionan di Sebin cu a detene e dirigente sindical Angel Castillo pafo di sede di e partido, despues di e manifestacion.
A pesar di e hechonan, PCV a sigura cu su dirigente- y militantenan lo mantene e firmesa necesario pa insisti den e luchanan pa defensa di derechonan di pueblo Venezolano.
