(DiarioLibre) – Di acuerdo cu Departamento di Estado di Merca den su rapport di traficacion di persona, autoridadnan Haitiano ta complice den e traficacion di persona for di Haiti pa Republica Dominicana.
Den e capitulo tocante Haiti, autoridadnan Mericano a alega cu sistematicamente empleadonan di Ministerio di Husticia tabata complice di e delitonan di traficacion di persona y como resultado, e casonan di traficacion di persona, hopi di nan vincula, no tabata yega na nan condena.
Mesun cos tabata pasa na e frontera di Republica Dominicana. E observadornan externo tambe a informa cu cuerpo policial y funcionarionan di inmigracion tabata complice di traficacion di persona na e frontera entre Haiti y Republica Dominicana, e rapport ta indica.
Igualmente e rapport ta afirma cu e Instituto di Bienestar Social y Investigacion di Haiti a informa cu e traficantenan tabata evita deteccion na momento di crusa na puntonan no oficial y a señala cu e complicidad y corupcion oficial a aumenta e problema den gran medida.
E observadornan a informa tambe di denuncianan cu e funcionarionan hudicial den e hurisdiccionnan fronteriso, manera e huesnan di paz, tin biaha tabata acepta soborno pa libera e presunto traficantenan deteni, locual tabata contribui na un ambiente den cual e traficantenan tabata opera den gran medida cu impunidad.
