(LaPatilla) – Aworaki Venezuela ta eligibel pa ricibi apoyo di Gavi, e Alianza di Vacuna, pa su programanan di vacunacion, un vocero di Gavi a bisa. Esaki lo por yuda e dos paisnan mantene e programanan di vacunacion di rutina y introduci vacunanan infantil importante cu falta memey di crisis economico cu ta afectando e atencion medico, incluyendo e acceso di su poblacion na vacunanan critico.
E Comisionado pa Organisacion di Nacionnan Uni, Miguel Pizarro a comparti a traves di su rednan social e detayenan tras di e anuncio oficial di parti di Alianza di Vacuna.
Pizarro a destaca cu esaki lo permiti acceso na algun vacuna cu actualmente no ta disponibel debi na e debe cu Venezuela tin cu e Fondo Rotatorio di Vacuna.
Ademas, el a enfatisa cu e apoyo aki ta significa un excepcion, ya cu e programa di Gavi ta destina pa paisnan cu ta wordo cataloga pa Banco Mundial como paisnan di ingresonan mediano-abao, locual ainda no a pasa den e caso di Venezuela debi na e falta di cifranan oficial.
Sinembargo, e data cu Gavi ta maneha di Venezuela ta refleha con e crisis a impacta e programanan di vacunacion door di cual a dicidi di considera Venezuela manera posibel candidato y apoya asina un di e gruponan mas vulnerabel durante e emergencia humanitario, muchanan.
Pa conclui, e comisionado a señala cu pa e implementacion di e programa aki ta rekeri compromiso di e actornan politico y di e sociedad civil cu por wordo involucra den e proceso.
“Ta necesario cu e boluntad pa salba bida y futuro di e Venezolanonan dilanti e calculo politico prevalece”, el a ratifica.
