(NLTimes) – E fayo tecnico a laga mas di 600 persona peda den trein Thalys sin airco husto fuera di stacion Saint-Denis na Paris pa varios ora diamars anochi, durante un di e dianan mas caluroso na Europa den historia.
E temperaturanan extremadamente caluforos a causa e fayo, vocero di Thalys a confirma na NL Times. “Mas di 4 ora ta warda den mas di 40 grado. Y ningun persona tabatin informacion,” un pasahero a publica riba Twitter.
E trein Thalys di Amsterdam y Bruselas a sali for di PAris Gare du Nord stacion rond di 6:30 di atardi, un ora laat, sin ningun informacion duna na e pasaheronan, Lydie Leers a conta corant AD. Tabatin mas di 600 pasahero a bordo y mas o menos 10 empleado riba e trein ora cu el a sali. El a para algun minuut despues di a cuminsa e ruta. E sistema di airco a stop di traha un poco despues di esaki, y temperaturanan rapidamente a cuminsa subi. “E arico no ta trahando. Nos tur ta soda. Varios hende a cuminsa sinti malo y nos no por sali,” el a splica.
Algun pasahero eventualmente a kibra un bentana pa laga aire drenta. Personanan para riba e plataforma na e stacion di trein a purba tira awa den e trein, y eventualmente a cuminsa distribui awa for di e trein su bar, sinembargo e pasaheronan no a ser informa tocante kico tabata pasando.
