(Colombia.co) – Despues di mas di tres siglo di conkista y colonia di imperio Spaño, e sentimento independista a extende na America. Den loke tabata conoci como e Nuevo Reino de Granada, e malcontento a manifesta cu e rebelion di Los Comuneros, y tabatin como antecedente e traduccion y divulgacion cu Antionio Nariño a haci di Derechos del Hombre.

Pero tabata un acto simbolico rond di un florero cu a fia, loke a conduci na e levantamento di e pueblo di Santa Fe, y loke a duna impulso na e campaña libertador. E crioyonan tabata busca independencia for di corona Spaño, y dia 20 di juli 1810 nan a plania pa introduci un revuelta popular den cual e habitantenan a eleva nan malcontento pa cu e mandato Spaño.

Tabata un diabierna, dia di mercado y di gran presencia den e plaza mayor. Pa merdia, Luis de Rubio a acerca e cas di e Spaño, Jose Gonzalez Llorente, y a pidi fia un florero pa decora e mesa di Antonio Villavicencio. E inminente rechaso na e peticion a permiti e intervencion di Francisco Jose de Caldas y Antonio Morales, kendenan inmediatamente a alerta e pueblo di e insulto di e ‘chapeton’ – manera tabata yama e Spañonan – contra e pueblo Americano. Hasta ora Llorente a nenga e sucedido y no tabatin di su banda mayor ofensa, e pueblo heterogeneo cu tabata na e plaza mayor a ataca contra e virreinato, provocando un revolucion cu a desemboca den e inminente firma di e Acta di Independencia di Santafe, dirigi pa decision di e Hunta di Gobierno.

Maske no tabata e unico revolucion ni esun mas sigur, e hecho aki ta considera como e fecha oficial di independencia pasobra a habri e caminda pa luchanan libertario intenso contra e corona Spaño. Tabata e proclamacion di un independencia total cu a logra bao mando di Simon Bolivar tras un campaña cu a cuminsa na mei 1818 na Venezuela y a termina den e Bataya di Boyaca dia 7 di augustus 1819. Asina a duna paso na e Congreso di Angostura y e nacemento di e Republica di Colombia.

Ubica den un skina di e Plaza de Bolivar na Bogota, e Museo di Independencia – Cas di e Florero ta e epicentro di henter e storia di emancipacion Colombiano. Eynan por haya e base di e florero original pa cual henter e contienda di dia 20 di juli a lanta.

E independencia di Colombia tabata e proceso cu a marca e final di e periodo di dominio di e imperio Spaño den e actual teritorio Colombiano. E proceso aki a desaroya memey di un conflicto entre 1810 y 1819 pa libera e teritorionan cu e tempo aya tabata integra e Virreinato de la Nueva Granada.

E aña aki ta marca 212 aña desde e firma di e Acta di e Revolucion 1810. Dia 20 di juli ta celebra e Dia di Independencia di Colombia, fecha riba cual e Congreso di Estadonan Uni di Colombia a decreta oficialmente como aniversario di e proclamacion di independencia nacional.

Riba potret:

(1) Pelea di Santamaria con Llorente den e skina di e Plaza Mayor, awendia conoci como Plaza de Bolivar.
(2) Cas di e Florero, unda e hechonan di dia 20 di juli 1810 a tuma lugar, actualmente sede di e Museo di Independencia na Bogota.
(3) Base di e florero di Jose Gonzalez Llorente, siglo XVIII. Ceramica porcelaniza. Potret di Peter Angritt.
(4) Firma di Acta di Independencia di Santafe.