(NLTimes) – Varios hospital ta menasa di drenta problemanan financiero e aña aki pa casa di e costo aumenta di compra, entre otro, di energia y cuminda. Esaki ta e conclusion di un estudio haci pa Intrakoop, organisacion di compra den cuido di salud, y Dutch Association of Hospital (NVZ). E situacion ta menasa di preveni hospitalnan di por haci cierto inversionnan, e organisacionnan a adverti.

Hospitalnan no ta gastando mas solamente riba energia, cual ta 43.8 poricneto, sino tambe riba servicionan y productonan e aña aki. Por ehempel, gastonan riba material di oficina ta aumenta cu 8.5 porciento, gastonan di transport cu 7.6 porciento y gastonan di cuminsa cu a aumenta cu 7.4 porciento, tur ta hopi mas halto cu den aña 2021. E investigadornan a encuesta 68 hospital pa e estudio aki.

Hospitalnan lo gasta un averahe di 5.8 porciento mas riba gastonan di compra e aña aki, mientras cu e acuerdonan actual cu seguronan medico ta compensa solamente 1.83 porciento pa e aumento. Esaki ta laga un “buraco” di casi 300 miyon euro e aña aki, segun Intrakoop y NVZ. Hospitalnan mester cubri e costo aki nan mes. E investigadornan tambe a señala cu varios contract cu e companianan cu ta encarga di e suministro lo caduca e aña aki, cual por nifica mas aumento di prijsnan. E costonan ta premira di sigui aumenta durante e aña aki.

NVZ ta preocupa cu e aumento di costo aki por pone den peliger empleadonan, intercamdio di dato, sostenibilidad y inversionnan den departamentonan tecnico. Discusionnan ta na caminda na varios “mesa” tocante e escaseznan premira, sinembargo NVZ no por anticipa e resultado.

Aumento di prijsnan den energia y cierto productonan di cuminda ta afecta henter sociedad, Ministerio di Salud Publico, Bienestar y Deporte a bisa den su respuesta. “Di mesun manera cu den otro sectornan, esaki tambe ta afecta e sector di cuido. E ta algo bon pa tende cu NVZ ta indica cu varios dialogo ta na caminda.” Segun e ministerio, e costo mas importante den cuido di salud ta costonan di labor.

E Ministerio tambe a señala cu Intrakoop a reporta 6 siman pasa cu tur hospital a genera ganashi den 2021 y a mira cu tin espacio pa inversion.

Segun un vocero, e aumento di prijsnan nobo den e sector ta limita su mes na kico realmente ta necesario, un dialogo cu tin hopi tempo andando. “E Ministerio ta den dialogo cu tur partido pa asina haci acuerdonan den Integrated Care Agreement pa asina aumenta e sostenibilidad di cuido,” e vocero a declara.

Health Insurers Netherlands tambe a duna un respuesta chikito bisando cu “den e periodo binidero, tur hende, incluyendo e sector di cuido di salud, lo mester lidia cu aumento di prijsnnan. Pa motibo aki nos mester haci un esfuerso conhunto pa asina mantene e dañonan lo mas abao cu ta posibel y na mesun tempo haci proveedornan di cuido di salud financieramente saludabel. Na final di dia, nos ta paga un pa otro su cuido di salud.”