Mientras lenguahe di inteligencia artificial ta keda crece e preocupacionnan di cientificonan tambe ta keda aumenta

(NLTimes) – E industria ti tecnologia su componentenan actual ta hopi convincente si bo puntra nan con e ta sinti pa ta un computer cu ta practicamente bibo. Pero nan no ta asina bon, y tin biaha peligrosamente malo, den maneha otro tareanan cu ta hopi directo.

Por ehempel, GPT-3, un sistema controla pa Microsoft cu por genera paraafnan di texto parecido na loke un humano lo skirbi, basa riba loke el a siña di un base amplio di bukinan digital y publicacionnan online. E ta considera un di e generacionnan nobo mas avansa di inteligencia artificial cu por combersa, genera texto cu por lesa den un instante y te hasta produci imagennan y video basa riba e textonan en cuestion.

Entre otro, GPT-3 por skirbi practicamente loke cu bo pidi, un carta pa un trabao, of un poema na mesun estilo cu Shakespeare. Sinembargo ora cu profesor Gary Smith di Pomona College a puntra e sistema un pregunta comun tocante subi trapi, GPT-3 no por a haci un bon trabao.

“Si, bo por subi trapi riba bo mannan si bo laba nan prome,” e inteligencia artificial a responde.

E sistemanan aki di inteligencia artificial, tecnicamente conoci como “large language models” pa motibo cu nan a ricibi training basa riba un gran cantidad di texto y otro media, ya caba ta ser incorpora den servicio pa clientenan, buskedanan riba google y funcionnan “auto-complete” riba e-mail cu ta caba e frasenan cu bo ta skirbi pa bo, haciendo e algo dificil pa otro personanan compronde e faltanan cu por haci esaki un fuente di mal informacion, racismo y otro dañonan.

“Nan ta hopi bon den skirbi texto cu e mesun habilidadnan di ser humano,” Steven Le Scao, un ingeniero na Hugging Face a expresa. “Algo cu nan no por haci hopi bon ta papia a base di echonan. E ta mustra coherente, casi berdad, pero hopi biaha e texto of informacion ta incorecto.”

Esaki ta un di e motibonan dicon un coalicion di investigadornan di AI conhuntamente cu e ayudo di gobierno Frances, a lansa un modelo nobo di Large Language Model cu tin e meta di sirbi como un antidoto pa e sistemanan manera GPT-3. E grupo ta yama BigScience y nan modelo ta yama BLOOM, pa BigScience Large Open-Science Open-access Mulilingual Language Model.

Su funcion mas importante y impactante ta cu e ta torah cu 46 idioma incluyendo Arabe, Spaño y Frances, cual ta diferente na otro sistemanan cu ta funciona solamente den Ingles of Chino.

No solamente Le Scao su grupo ta purbando di habri e caha cu ta e modelonan aki. Companianan grandi den tecnologia manera Meta, cual ta doño di Facebook y Instagram, tambe ta haciendo esfuersonan pa por yega na e nivel di e sistemanan construi pa Google y OpenAI, e compania cu a crea GPT-3.

Presion competitivo pa crea e sistema mas elocuente y informativo, ademas di genera ganashi di su aplicacionnan, ta un di e motibonan dicon companianan di tecnologia ta mantene esaki y su informacion hopi protea y no ta colabora cu comunidad, segun Percy Liang, un profesor di sciencia di computer na Stanford ken ta dirigi Center for Research on Foundation Models.